dali-preskoknuvanjeto-na-pojadokot-navistina-vodi-prejaduvanje_image
Споделете со пријателите!

Истражување спроведено во 2015 година на територијата на САД покажало дека само 47 отсто од луѓето секојдневно појадуваат.
За многумина појадокот е есенцијален за почетокот на денот, за други пак, оние дополнителни неколку минути во креветот се попривлечни од парче тост, варено јајце или чинија со житни култури и овошје. Динамичниот начин на живот сè почесто нè принудува да го прескокнуваме појадокот и покрај тоа што многумина го сметаат за најважен оброк во денот. Всушност, едно истражување спроведено во 2015 година на територијата на САД покажало дека само 47 отсто од луѓето секојдневно појадуваат.

Многу досегашни истражувања покажаа дека прескокнувањето на појадокот може да доведе до прејадување во остатокот од денот, но спротивно на нив, нова студија сугерира дека токму прескокнувањето на појадокот можеби нѐ наведува да внесуваме помалку калории.

Авторите на студијата во која учествувале 40 тинејџерки, д-р Јулија Заркевски-Фруер и нејзиниот тим велат дека добиените резултати ги побиваат резултатите од претходните истражување што укажувале на тоа дека прескокнувањето на појадокот може да доведе до прејадување подоцна во текот на денот. Имено, во нивната студија, објавена дневникот „British Journal of Nutrition“, се покажало дека учесниците консумирале околу 350 калории помалку во деновите кога го пропуштиле појадокот во споредба со деновите кога јаделе појадок.

Но каков ефект има прескокнувањето на појадокот врз нашето здравје? Претходните истражувања го поврзаа пропуштањето на појадокот со послабо здравје на срцето, додека други студии покажаа дека прескокнувањето на утринскиот оброк може да доведе до прејадување и зголемување на ризикот за прекумерна тежина. Во оваа најнова студија тимот експерти се обиде да дознае повеќе за вторите студии, односно како прескокнувањето на појадокот влијае на прејадувањето.

Прочитајте:  Пореметувања во исхраната кај тинејџери

Помалку калории по прескокнување на појадокот

Студијата вклучила 40 девојки на возраст помеѓу 11 и 15 години. Секоја од нив требала да учествува во две истражувања од кои секое се одвивало 3 последователни денови. Во првиот случај учесничките 3 дена по ред консумирале вообичаен појадок со низок гликемичен индекс (ГИ), кој содржи 468 калории, а во вториот случај учесничките воопшто не јаделе појадок 3 последователни денови.

Тимот кој го спроведе истражувањето вели дека целта на нивното истражување била да се испита ефектот од 3 последователни денови во кои ќе се јаде појадок во споредба со 3 последователни денови во кои ќе се прескокне појадокот.

Како дел од студијата, учесничките воделе индивидуални дневници за храна, а нивните нивоа на физичка активност биле следени со акцелерометар. Истражувачите откриле дека во деновите кога тие пропуштиле појадок консумирале вкупно 353 калории помалку отколку во деновите кога јаделе појадок.


Споделете со пријателите!