Нарушувањето на сонот е патолошка состојба која се нарекува несоница или инсомнија
Oколу 1/3 од возрасните имаат одредени потешкотии да заспијат или да спијат мирно во текот на ноќните часови. Нарушувањето на сонот е патолошка состојба која се нарекува несоница или инсомнија. Несоницата се случува скоро на секој човек во одреден стадиум од неговиот живот. Со возраста несоницата се појавува многу почесто и поактивно. Почесто страдаат жените од мажите. Повеќето луѓе кои страдаат од несоница имаат преживеано краткотраен стрес во тек на животот или страдаат од некоја форма на депресија. Луѓето кои имаат проблеми со несоница честопати имаат симптоми на дневна поспаност, главоболка, замор, анксиозност, раздразливост, тешкотии во концентрирањето и нарушена способност за извршување на нормалните активности.
За несоница може да се зборува ако во текот на ноќта повеќе од еден час не можеме да заспиеме, често се пробудуваме и чуствуваме неспокој.
Најчести причини за појава на акутна и хронична несоница
- стресни ситуации;
- емоционален стрес;
- акутна болест;
- времена болка;
- психички проблеми;
- депресија;
- лоши животни навики;
- здравствени проблеми;
- користење на стимуланти;
- злоупотреба на алкохол и користење на наркотици;
- недостаток на физичка активност.
Совети и лекување
Неколку совети за промена на начинот на живот можат да помогнат за подобрување на сонот и подобрување на симптомите нa депресија:
- практикувајте медитација;
- вежбајте јога;
- не консумирајте алкохол, кофеин и никотин навечер;
- традиционална кинеска медеицина со примена на акупунктура;
- топло млеко, затоа што содржи високо ниво на триптофан, супстанца која е природен седатив.
Големата потрошувачка на лекови за смирување наметнува потреба од информации за природни средства што ги олеснуваат моментите на стрес и несоница. Доколку одберете вежби за релаксација или работа на себе, нема да погрешите. Здрава опција се и природни лекови, односно, лековити билки што помагаат кога ќе нападнат нервозата и стресот. Природните препарати на база на мелатонин, камилица, валеријана, маточина, придонесуваат за квалитетот на сонот. Мелатонинот се користи како еден од природните суплементи во третманот на несоницата. Овој хормон кој природно го имаме во нашето тело, функционира на тој начин што ја намалува телесната температура и предизвикува заспивање.
Камилицата го опушта целото тело, ги омекнува и ги смирува ткивата и мускулите и е честа состојка во мешавините кога станува збор за растителен лек за смирување.
Лековитите својства на маточината го јакнат срцевиот мускул и делуваат како антибиотик.
Употребата на препарати кои ги содржат овие лековити билки и мелатонин може значително да помогне да се избориме со проблемот на 21 век наречен несоница или инсомнија.
М-р фарм. Славјанка Спироска
