kako-detskiot-artritis-vlijae-na-zdravjeto-na-ochite-kaj-decata_image
Споделете со пријателите!

Нетретиран и сериозен увеитис може да го оштети здравјето на очите кај децата.
Јувенилниот артритис, исто така, наречен детски артритис, е најчестиот тип на артритис кој може да се појави кај децата. Оваа болест може да влијае на многу делови од телото на детето, вклучувајќи ги и очите.

Имено, кај децата коишто боледуваат од јувенилен артритис може да се појават проблеми со очите коишто може да бидат предизвикани од болеста или од лековите кои детето ги зема за третирање на болеста.

Најчестиот проблем со очите со којшто се соочуваат децата е воспаление во делот од окото наречен увеа. Оваа состојба се нарекува увеитис и влијае на специфичните делови на увеата и, исто така, е позната како иритис или иридоциклитис. Нетретиран и сериозен увеитис може да го оштети здравјето на очите. Исто така може да предизвика проблеми со видот, како што се:

  • Глауком, состојба која предизвикува висок притисок во окото;
  • Катаракта, замаглување на леќата на окото;
  • Постојано оштетување на видот, вклучувајќи и слепило.

Увеитисот може да започне до 1 година пред детето да добие дијагноза за јувенилен артритис. Но во некои случаи состојбата може да се развие истовремено или години подоцна.

Како да препознаете ако вашето дете развива проблеми со очите поврзани со јувенилен артритис?

Воспалението на очите може да не биде болно и очите обично не се толку црвени како што се случува во случај на конјунктивитис. Многу деца со јувенилен артритис кои развиваат проблеми со очите може да немаат очигледни симптоми.

Поретко детето може да се жали на заматен вид или на зголемена осетливост на светлина. Понекогаш, очите на детето може да изгледаат црвени или заматени. Сепак овие симптоми обично се развиваат толку бавно што може да се случи трајно оштетување на очите пред да забележат било какви проблеми со видот.

Прочитајте:  Микроалги – Чувари на нашето здравје

Со цел рано да ги откриете проблемите со очите коишто може да се појават како резултат на јувенилен артритис и да ги спречите оштетување на видот кај вашето дете треба редовно да го посетувате педијатрискиот офталмолог за да се следи состојбата на очите кај вашето дете.

Што треба да направите при посетата со офталмолог?

На офтамологот треба да му кажете за типот на лекови и дозите што ги зема вашето дете за третирање на јувенилниот артритис.

За време на прегледот на очите, офталмологот ќе стави капки во очите на вашето дете за да ги ги прошири неговите зеници при што ќе добие јасен поглед во очите. За да се дијагностицира воспаление на очите, офталмологот користи посебен вид на микроскоп за гледање на внатрешноста на очите. При посетата на офтамолог, на вашето дете, исто така, ќе му се направи тест на видот за да се забележи дали има некакви промени или проблеми.

Колку често треба да одите на посета кај офтамолог?

Фреквенцијата на посети кај офтамологот генерално зависи од типот на јувенилен артритис којшто го има детето, колку долго го има и кои лекови ги зема за третирање на состојбата.

Увеитисот е почест кај деца со одредени видови на јувенилен артритис, како што се е оној којшто зафаќа само неколку зглобови. Децата со овој тип на јувенилен артритис можеби ќе треба да ги проверува очите на секои 3 до 4 месеци. На децата со полиартритис, на пример, им е потребен очен преглед на секои 6 месеци. Децата со системски јувенилен артритис обично имаат потреба од испитување на очите на секои 12 месеци.


Споделете со пријателите!