sindrom-na-postojana-seksualna-vozbudenost_image
Споделете со пријателите!

За промискуитетот првпат зборува брачниот пар Паркер, коишто го поставуваат како нарушување во однесувањето
Психологијата и психосоцијологијата одамна го потврдија промискуитетот како ментално растројство кое се карактеризира со зависност од секс. За промискуитетот како проблем првпат се зборува од брачниот пар Паркер, бихејвиористи кои промискуитетот го поставуваат како нарушување во однесувањето. Пред Паркерови, промискуитетот се сметаше како сосема нормална состојба кај мажите, како доказ за машкост. Зборовите „женкар” и „плејбој„ се зборови кои се користат за да се опише човек кој има повеќе љубовни врски или сексуални односи со жени, односно мажи кои не се моногамни. Имињата на вистински и измислени заводници станаа синоним за такви промискуитетни мажи како што се Лорд Бајрон, Џон Ф. Кенеди, Ерол Флин, Ворен Бити, Вилт Чембрлен, Хауард Хјуз, и историскиот Џакомо Казанова (1725-1798).

Кај жените, на оваа ситуација се гледа малку поинаку. Поточно, жените кои менуваат партнери често се погрдно именувани и во минатото за време на инквизицијата прогласувани за вештерки и брутално егзекутирани. Женски пример од минатото позната по својот промискуитет е императорката Екатерина II.

Брачниот пар Паркер во своите трудови укажуваат дека промискуитетот е зависност исто како и алкохолизмот и зависноста од дрога. Иако во овој тип на зависност не се вклучени никакви супстанции од типот на алкохол и дрога, мозокот ослободува супстанции при извршување на некоја сексуална активност (мастурбирање, секс на јавно место со странец, континуирано менување на сексуални партнери итн). Д-р Патрик Кернс во својата книга „Спротивно на љубовта“ (Contrary to Love: Helping the Sexual Addict, 1989, Dr. Patrick Carnes), сексуалната зависност ја објаснува спротивно од уживањето во сексот како извор за самоафирмација и физичко задоволство. Зависниците од секс се потпираат на таа активност како извор на удобност и излез од некоја болна или стресна ситуација, тие се ослободуваат од стресот на истиот начин како што го прават зависниците од дрога и алкохол. Начини на зависно однесување:

  • Инсистирањето на одреден тип на однесување во текот на подолг период;
  • Постојана желба за таквото однесување, и една или повеќе неуспешни обиди да се намали или контролира однесувањето;
  • Многу време поминато во сексуални активности до степен на социјална дисфункција;
  • Инсистирање на однесување и покрај свесноста за последиците кои може да ги предизвика.

Како сексуална зависност се дефинирана постојано штетно однесување кое води до последици од различни аспекти. Тие се:

Прочитајте:  Телевизијата е нашата прва зависност

Социјални последици – крај на брак, врска или пријателство, поради преокупираноста со секс.
Емоционални – депресија и вознемиреност поради чувство на срам, како и недостаток на самодоверба.
Физички – Повреди поради зачестеноста на различните сексуални ритуали и сексуално преносливи болести се вообичаени.
Правни последици – секс криминал (воајеризам, непристојни однесување), губење на професионална репутација или лиценца поради непристојно однесување, или сексуална злоупотреба
Финансиски – трошоци за порнографија, проституција, телефони и компјутери.
Како алкохоличарите, зависниците од дрога или коцкарите, луѓето опседнати со секс развиваат типични одбранбени механизми – негирање, рационализација и оправдување за нивното однесување при што ги обвинуваат другите за предизвикување на проблемот.

Идентификувани се 20 категории на сексуално однесување

Идентификувани се 20 категории на сексуално однесување а во рамките на овие категории постојат 164 различни однесувања, кои биле идентификувани како проблематични области кои може да укажат на сексуална зависност. Не сите зависници го имаат секој тип на однесување, а не сите однесувања укажуваат на зависност, но ако траат, може да доведат до тоа во некои случаи.

Постојат некои прашања кои би можеле да се запрашате и доколку одговорот е „да“ на било кое од нив, треба да размислите за помош:

  • Дали вашиот сексуален живот ви предизвикува емоционална или физичка болка?
  • Дали се чувствувате дека е посилно од вас?
  • Дали предизвикувате болка на некој друг? (физичка, емоционална, финансиска, итн.).

Колку многу е премногу е тренд во литературата на психологијата кој се менува со текот на годините и не може да се постави квантитативна проценка а да не се земат во предвид и другите фактори како што се возраста и други фактори. На пример: 21-годишна индивидуа е нормално да има повеќе пати дневно секс или да мастурбира и притоа да се квалификува за нормално.

SAST е тест дизајниран за да укаже на присуство на сексуална зависност но не и да дијагностицира сексуална зависност“

Проблемот станува проблем кога ги засега и другите сфери на животот и притоа се вклучени горенаведените последици, изгубени врски, отсуство од работа, физички повреди итн. Sexual addiction screening test (SAST) е тест дизајниран за да укаже на присуство на сексуална зависност и самопроценка, но не и да дијагностицира сексуална зависност. Неговата цел е да помогне во одлуката на индивидуата што го прави да побара помош од психотерапевт.


Споделете со пријателите!