dali-6-chasovnoto-rabotno-vreme-e-poefikasno_image
Споделете со пријателите!

Што навистина се случи кога Шведска реши да работи 6 часа
Пред две години, напредните Швеѓани заклучија дека работниците се попродуктивни доколку имаат пократко работно време. Деновиве на социјалните мрежи, се споделуваат видеа дека Шведска официјално започнува да работи 6 часа. Најновите информации сепак говорат дека овој обид сепак не е целосно остварлив за една држава и не одговара на потребите и динамиката на работа на сите работни профили.

Ваквиот експеримент беше првично спроведен врз медицинскиот персонал во дом за стари и таму се покажа успешен и со добри резултати како: зголемена ефективност, помалку отсуства заради боледувања и севкупно, поголемо задоволство помеѓу вработените.

На почетокот на овој обид за скратување на работното време кој беше практикуван и од страна на неколку приватни компании, критиките беа позитивни. Имено позитивните коментари беа базирани на клучни промени како зголемена продуктивност, повеќе енергија за приватниот живот, зголемено чувство на среќа и успешност. Најновите извештаи по поминатите две години, говорат дека овој систем, барем засега, за Шведска е финансиски неодржлив. Доколку го земеме за пример најуспешниот пример со медицинските сестри во домот за стари лица, резултатите покажуваат дека заради скратеното време, градот ангажирал уште 17 нови лица персонал, што значи потрошил повеќе финансиски средства.

И покрај позитивните аспекти, на крај сè се сведува на повисоките трошоци коишто ќе ги има државата, констатираат експертите.

Политичарите коишто се заложуваа за скратеното работно време, сепак веруваат дека  6 часовното работно време може да биде успешно долгорочно решение. Проблемот не е само во финансиската одржливост. Ваквиот систем не одговара во претприемачкиот свет и при големи задачи и проекти коишто мора да се завршат, а се обемни, вработените чувствувале зголемен стрес заради недостигот на време и се чувстувале како да „бегаат од часови“.    

Прочитајте:  Одберете ја најсоодветната перница за вас

Се заклучува дека ваквиот систем е најефективен за болниците, но помалку ефективен за организациите коишто немаат одредена јасна граница помеѓу професионалниот и приватниот живот.

Решението е во флексибилно работно време

„Kонцептот на 6 работни часа се спротивставува на изградената култура на флексибилно работење“

Главниот истражувач на проектот во домот на стари лица, Bengt Lorentzon, смета дека концептот на 6 работни часа се спротивставува на изградената култура на флексибилно работење од страна на голем број шведски компании. „Голем број на компании веќе работат како консултантски фирми. Нема потреба менаџерите да инсистираат сите нивни вработени да се цело време во канцеларија, тие само сакаат резултати“, вели тој. Тој заклучува дека најпрво треба да се запрашаме што може да направиме за да ја подобриме работната средина и можеби различни нешта може да бидат соодветни за различни работни групи.


Споделете со пријателите!