so-velosiped-na-rabota
Споделете со пријателите!

Утре петок 15.05.2015 е интернационалниот ден “Со велосипед на работа”.
Скопје како и останатите светски метрополи ќе се приклучи на Светскиот ден за одење на работа со велосипед – 2015, заедно со илјадници луѓе од целиот свет, кои утре ќе се движат исклучиво вртејќи педали.

Овој ден се обележува многу едноставно, се што треба е да ги оставите автомобилите дома и да појдете на своите работни места, училиште или факултет со вашите велосипеди, иако повеќето од вас можеби го прават тоа секој ден.

Неколку причини зошто е убаво да се оди со велосипед на работа:

Многу е поефтино отколку одење со автомобил

Поради цените на горивото како и трошоците за одржување на автомобилот несомнено може да кажеме дека возење велосипед на работа е многу поефтино.

Претставува бесплатен фитнес

Доколку возите велосипед до работа и назад добивате кардио поволности и не мора да издвојувате дополнително време за одење во теретани.

Ја избегнувате градската гужва

Го избегнувате метежот, а ја избегнувате и нервозата која доаѓа со тоа. Со велоспед може да стигнете побрзо и да останете насмеани кога ќе стигнете до вашата дестинација.

Не мора да се грижите за паркинг место (во најголем број случаи)

Најчесто компаниите ги подржуваат луѓето кои одат со велосипед на работа па им дозволуваат да се паркираат внатре, или пак им наоѓаат место за паркинг. Иако се уште фалат паркинг места во Скопје, сепак луѓето наоѓаат начини да се паркираат, полесно отколку со автомобил.

Стресот ќе го поднесувате многу полесно

Седење во канцеларија цел ден, заедно со градскиот метеж предизвикува стрес. Возењето велосипед може да помогне во редуцирање на негативната енергија.

Прочитајте:  Повреди на скочен зглоб

PharmaNEWS.mk ја подржува иницијативата на На Точак со која се поткрева и свеста за поздрава животна средина.


Споделете со пријателите!