kako-da-prepoznaeme-demencija_image
Споделете со пријателите!

Осознавањето на оваа болест е исклучително важно а тоа може да се направи доколку имаме повеќе сознанија за самиот тек на болеста како и за нејзините рани симптоми
Осознавањето на оваа болест е исклучително важно а тоа може да се направи доколку имаме повеќе сознанија за самиот тек на болеста како и за нејзините рани симптоми, особено ако се забележи истовремено постоење на неколку од нив.

Проблеми со меморија

Нормално е да се заборава, и на сите им се случува, и тука треба да се има во предвид фактот дека заборавањето е механизам за ослободување на простор за запомнување на нови податоци. Повеќето од луѓето забораваат работи кои се дел од нивното далечно минато, или информации кои се небитни за нивната личност.

„Првиот чекор од борбата е нејзино рано препознавањe.“

Луѓето кои се справуваат со деменција ги забораваат секојдневните работи, кои во почетокот се мали и безопасни, и стануваат се поголеми и по сериозни со тек на време. Замислете каква трагедија е да не знаеш каде си, кога, и со кој луѓе си опкружен. Во рана фаза деменцијата само ги збунува луѓето за настани во нивното блиско минато, постепено сериозноста стигнува до таму – да засегнатите не ги помнат лицата на блиските и што правеле пред минута.

Збунетост

Времето станува проблем:

  • „Дали е утро?“
  • „Кој ден е?“
  • „Која сезона?“
  • „Која година?“

Истото почнува да се однесува и на ориентација во просторот.

  • „Дали сме во дневната соба или во кујната?“
  • „Дали сме во некој туѓ дом?“
  • Најболно за семејството е фактот што дементното лице не може да ги препознае своите најблиски.
  • „Дали се познаваме?“
  • „Кој сум јас?- Каква е нашата врска?“
  • Дури и на прашањето „Како се викаш?“ Може да добиеме погрешен одговор.
Прочитајте:  Која е причината за хроничните болки?

Ваквите прашања поставени кон човекот кој се справува со оваа болест резултира со збунет одговор.

Проблемот не е само во меморијата, засегнати се и логичките процеси со кои човек би можел да го достигне одговорот.

Проблеми со вољата

При деменција, волјата е исто така засегната. Недостасува желба за извршување на некои активности (најчесто тоа се активности преку кои лицето осознава дека има проблем) трпението е намалено дури и задоволството од одредени активности кои бараат вложување на некаков ментален напор исчезнува.

Карактерот станува остар

Роднините добро го познаваат возрасниот човек и неговите навики. Доколку нагло се промени неговото однесување, и тоа вклучува:

  • Невообичаена промена на емоционалната состојба;
  • Пројава на агресија без очигледен фактор;
  • Злоупотреба на алкохол;
  • Пројава на каприциозно однесување за скоро сè;
  • Избегнува се повеќе и повеќе контакти со околината;
  • Почнува да собира предмети (тука не се мисли на колекционерство, туку на буквално „собирање“).

Губење на функциите на мозокот е исклучително болно за блиските на заболеното лице, од емоционална гледна точка. Повеќето семејства со слична приказна ја опишуваат состојбата на старите лица како „венеење – губење“. Развојот на деменција, влијае на целокупниот здравствен статус на пациентот.

Со цел соодветно лекување на состојбата на болеста, потребно е навремено дејствување.

Првиот чекор од борбата е нејзино рано препознавање и борба со последиците.


Споделете со пријателите!