Постои разлика помеѓу нормалните и безопасни промени во меморијата и сериозното губење на меморијата што може да го отежни вообичаениот начин на кој се извршуваат секојдневни работи.
Честопати постарите родители не признаваат или не се свесни дека имаат здравствен проблем и дека им е потребна помош. Оттаму, многу е важно постојано да го следите здравјето и активностите што вашите родители ги прават секојдневно со цел да можете да препознаете дали постои проблем. Како да го правите ова? Како да бидете сигурни дека вашите родители се грижат за себе и правилно го одржуваат своето здравје?Поставувањето на следниве неколку прашања ќе ви помогнат во препознавањето на потенцијалните здравствени проблеми со кои вашите родители може да се соочуваат, како и во подобрувањето на грижата за нивното здравје.
Дали можат сами да се грижат за себе?
Многу е важно да обрнете внимание на надворешниот изглед на вашите родители. Неуспехот да се остане во чекор со секојдневните рутини, како што се бањање, одење во тоалет и четкање на заби, може да укажат на деменција, депресија или други физички проблеми.
Надворешниот изглед е тесно поврзан со изгледот на домот на вашите родители. Било какви промени во начинот на кој вашите родители се грижат за просторот во којшто живеат може да бидат знак дека можеби тие имаат скриен проблем со здравјето. Честопати, занемарените домашни задачи може да бидат знак за депресија, деменција или други проблеми.
Дали покажуваат знаци на губење на меморијата?
Секому може да се случи да заборави да изврши некоја задача. Имено, малите проблеми со меморија е речиси нормално да се појават со текот на годините. Понекогаш и несаканите ефекти од одредени лекови или здравствени состојби може да придонесат за губење на меморијата.
Меѓутоа, постои разлика помеѓу нормалните и безопасни промени во меморијата и сериозното губење на меморијата што може да го отежни вообичаениот начин на кој се извршуваат секојдневни работи, како што се возењето или пазарењето. Знаците за овој тип на губење на меморијата може да вклучуваат:
- Поставување на исти прашања одново и одново;
- Губење на познати места;
- Неможност за следење на упатства и инструкции;
- Збунетост околу времето, луѓето и местата.
Дали ненадејно им се намалила телесната тежина?
Ненамерното и неочекувано губење на тежината може да биде знак дека нешто не е во ред со здравјето на вашите родители. Губење на тежината може да биде поврзано со многу фактори кои може да го отежнат секојдневното готвење, а со тоа и нормалното исхранување. Тие вклучуваат:
- Недостаток на енергија;
- Безволност;
- Губење на вкус или мирис;
- Болки во мускулите;
- Проблеми со видот;
- Деменција;
- Други скриен здравствен проблем.
Дали се во добро расположение?
Обрнете внимание на расположението на своите родители и почесто прашувајте ги како се чувствуваат. Драстично промени во расположението или промени во надворешниот изглед може да бидат знак на здравствен проблем.
Како да им помогнете на родителите да го одржат своето здравје?
Редовни прегледи
Ако сте загрижени поради губење на тежината на родителите, депресивно расположение, губење на меморијата или други знаци и симптоми, поттикнете го родителот да направи лекарски преглед.
Безбедност
Посветете доволно внимание на безбедноста на вашите родители во и околу домот. Често проверувајте дали зградата во којашто живеат има скали и исправен лифт, дали во домот можат слободно да ги извршуваат секојдневните задачи, односно дали имаат проблем со бањање и одење во тоалет. Исто така, доколку тие повеќе не се во можност да возат безбедно, сугерирајте други опции за превоз.
Домашна нега
Доколку имате значителна потреба за помош околу грижата за вашите родители, како и нивниот дом, размислете за домашна нега. Помошник за домашна нега може навистина да го олесни извршувањето на секојдневните активности, како што се бањање, одење во тоалет и приготвување на храна.