razlichni-fazi-na-pubertet-kaj-devojchinjata-momchinjata_image
Споделете со пријателите!

Промените кај гласот се предизвикани од тестостеронот – хормон ослободен кај момчињата за време на пубертетот.
Пубертетот е процес на промени кај девојчињата и момчињата поттикнати од производството на полови хормони. Иако физичките промени за време на пубертетот се манифестираат со типични знаци, секое дете се развива со свое темпо и на свој начин. Пубертетот обично започнува порано кај девојчињата, а подоцна кај момчињата. Кај повеќето девојчиња, пубертетот започнува околу 11 години. Кај момчињата, пак, започнува од 10 до 14 година, а просечната возраст е 12 години.

Раст на гради кај девојчињата

Растот и развојот на градите е обично првиот знак на пубертет што девојчињата ќе го забележат. Најпрво зад брадавиците се формираат мали грутки кои можат да бидат болни, но болката исчезнува кога градите растат и ја менуваат формата во текот на следните неколку години. Како што растат, не е невообичаено една града да се развива побавно од другата.

Генитални промени кај момчињата

Првиот знак на пубертет кај момчињата е зголемување на големината на тестисите. Околу една година подоцна, пенисот и скротумот започнуваат да растат.

Раст на влакна

По растот на градите и тестисите, кај девојчињата и момчиња почнуваат да растат влакна. И кај момчињата и кај девојчињата, нови влакна почнуваат да растат на пазувите и на пубичната површина околу гениталиите. Влакната на рацете и нозете, исто така, може да ја сменат бојата, должината и густината. Кај момчињата, исто така, може да започнат да растат влакна на градите и на лицето.

Појава на акни

Нивоата на високи хормони во пубертетот може да предизвикаат појава на акни. За време на пубертетот, лојните жлезди се поактивни и децата, исто така, може и повеќе да се потат.

Прочитајте:  Нормален развој на детето во четвртата година

Први менструален циклус кај девојчињата

razlichni-fazi-na-pubertet-kaj-devojchinjata-momchinjata_image1Една девојка обично го добива својот прв менструален циклус помеѓу 10 и 16 години, односно околу 2 до 2 и пол години откако започнува пубертетот. Менструацијата е знак дека таа е физички возрасна и е во состојба да забремени. Доколку вашата ќерка не го добие својот прв менструален циклус до 16 години, можеби ќе биде потребно да се консултирате со лекар.

Промена на гласот кај момчињата

Кон крајот на пубертетот, гласот на момчињата се менува и станува подлабок. Промените кај гласот се предизвикани од тестостеронот – хормон ослободен кај момчињата за време на пубертетот. Тој предизвикува гласните жици да станат подебели и подолги, како и гркланот да порасне поголем.

Кога да се консултирате со доктор

Следете ги телесните промени на вашето дете на начин што ќе ја почитува неговата или нејзината желба за приватност. Консултирајте се со доктор доколку:

  • Знаците за пубертет се појавуваат кај девојче пред возраст од 6 до 8 години или кај едно момче пред возраст од 9 години;
  • Промените во пубертетот кај девојче не се гледаат до 13 години или кај момче до 14 години;
  • Промените во пубертетот не го следат типичниот модел на развој.

Споделете со пријателите!