Дали проблемите со тироидната жлезда се лимит за намалување на телесна тежина
Многу луѓе, особено жени, страдаат од намалена функција на тироидната жлезда (хипотироидизам). Еден од непријатните симптоми на оваа болест е зголемување на телесната тежина како резултат на бавниот метаболизам. Не грижете се ако имате проблем со тироидната жлезда и не сте задоволни со вашата фигура. Постојат неколку работи што можат да се направат за да ви помогнат да ја регулирате тежина.
Она што треба прво да го направите е да се консултирате со вашиот лекар и правилно да ја земате својата терапија, а потоа да ги следите овие совети:
1. Вежбајте редовно, но разумно
Не правете грешка со тоа што ќе се впуштите во интензивно вежбање затоа што ќе предизвика да се чувствувате уморни и брзо ќе се откажете.
Вежбајте најмалку 5 пати неделно најмалку 20 минути.
Некои од најдобрите активности за согорување на калории и забрзување на метаболизмот се одење, пливање, танцување и возење велосипед.
2. Намалете го стресот
Стресот има многу силно влијание на луѓето со проблеми со тироидната жлезда. Покрај тоа, предизвикува телото да добие прекумерна тежина, при оваа состојба и при стрес неговата природна тенденција е да ги задржи виталните органи безбедни од закани. Бидејќи стресот не може целосно да се избегне, постојат активности со кои може да се справите ефикасно.
Активности како јога, масажа, слушање музика, гледање забавен филм ќе ви помогнат.
3. Доброто спиење е задолжително
Недостаток на сон е всушност форма на стрес за телото. Затоа, кога сте не наспани, имате зголемен апетит.
Обидете се да имате добар 8-часовен сон секоја вечер.
Многу луѓе користат разни трикови за несоница, како што се лесна вечера, банана, топло млеко, чај од камилица, валеријана итн.
4. Намалете ја солта
Конзумирањето сол предизвикува вашето тело да задржува вода, така што зголемениот внес предизвикува да се зголеми тежината.
Можете да се осврнете кон употреба на алтернатива, како на пример калиумова сом но единствено безбедно решение е да внимавате да не консумирате пресолени производи како што е конзервирана храна и преработени производи од месо.
Јадете портокали и банани, бидејќи се богати со калиум, минерал кој се спротивставува на дејството на натриум.
5. Претпочитајте храна со низок гликемиски индекс
Луѓето со проблеми со тироидната жлезда треба да избегнуваат храна со висок гликемиски индекс, бидејќи тие ја влошуваат резистентноста на инсулин – состојба кон која се склони луѓето со хипотироидизам. Заменете го белиот леб и слатката храна со овес, интегрална пченица, кафеав ориз, јаболка, сливи, јагоди и јогурт.
6. Забрзајте го вашиот метаболизам природно
Со намалување на функцијата на тироидната жлезда, метаболизмот е забавен, затоа се препорачува да се концентрираме на природни методи за негово забрзување.
Тука спаѓаат пиење зелен чај, јадење храна со протеини и консумирање риба богата со омега-3 масни киселини.
