doznajte-koj-simptomi-ukazhuvaat-na-deficit-na-kalium_image
Споделете со пријателите!

Грч во мускули, срцебиење, покачен крвен притисок, може да бидат симптоми кои укажуваат на недостаток на калиум.
Кога помислувате на хранливи материи кои му се потребни на вашето тело, сигурно нема веднаш да помислите на калиум – но треба. Поголемиот дел од калиумот во нашето тело се наоѓа во клетките, каде што им помага на нервите и мускулите да комуницираат, помага во пренесување на хранливи материи, го одржува правилното функционирање на бубрезите и спречува да се покачи премногу високо нивото на натриум.

За секој човек би требало да биде лесно да добие доволна количина калиум ако јаде многу овошје и зеленчук, но за жал, многу луѓе не јадат доволно непреработена храна која содржи доволно калиум, објаснува Џинџер Хултин, диететичар, нутриционист и портпарол на Академијата за исхрана и диететика.

Истражувањата покажуваат дека повеќето луѓе добиваат само половина од препорачаната дневна доза за калиум која е 4.700 милиграми

Всушност, последното Упатство за исхрана на САД го наведува калиумот како „хранлива состојка која има големо влијане на јавното здравје“.

„Една од причините заради кои што некој би имал ниско ниво на калиум е ако едноставно не внесува адекватна количина со исхраната“, објаснува Хултин. Сепак, ова може лесно да се регулира со корегирање на исхраната, а вистинскиот недостаток, познат и како хипокалемија може да настане заради други причини.

Лесна хипокалемија може да предизвика запек, мускулна слабост и замор.

„Дефицитот на калиум е всушност смртоносен“, вели Хултин. „Луѓето кои имаат целосен дефицит може брзо да се соочат со опасни кардиоваскуларни проблеми“. Дефицитот е многу почест кај луѓето кои брзо го губат калиумот преку нивната урина или столица, како што се оние кои злоупотребуваат лаксативи и диуретици или имаат нарушување на гастроинтестиналниот систем, неконтролиран дијабет или дијареа. Обилно потење за време на извршување на некоја физичка активност на отворено и топло исто така може да доведе до брзо губење на калиумот.

Кога настанува губење на калиум поради лек или медицинска состојба, дефицитот е реална можност и треба да се процени и да се лекува од лекар.

Тешко е да се каже дали ги исполнувате вашите дневни потреби, но постојат неколку симптоми кои може да укажат дека не внесувате доволно количество.

Еве шест знаци кои укажуваат на ниско ниво на калиум – и токму како можете да добиете доволно од тоа во вашата исхрана:

Имате неправилно чукање на срцето 

Умерениот до тежок дефицит на калиум може да предизвика кардијални аритмии или абнормално отчукување на срцето. Всушност, истражувањата покажуваат дека 7 до 17 проценти од пациентите со кардиоваскуларни болести страдаат од хипокалемија. Ова се должи на неговото влијание врз мускулните контракции, а со тоа и на функцијата на срцето.

Доколку имате чувство дека вашето срце трепери или прескокнува удар, треба да се обратите кај вашиот лекар.

Вие исто така ризикувате да имате ниско ниво на магнезиум

Сите микронутриенти кои секојдневно ги внесуваме функционираат заедно како една целина. Недостаток на еден од микроелементите може да доведе до дефицит на друг.

„Недостаток на калиум може да е симптоми на низок магнезиум.“

Магнезиум – минерал кој е вклучен во стотици хемиски реакции на нашето тело – активно го пренесува калиумот низ клетките. Значи, кога би имале ниско ниво на магнезиум – што можете да го најдете во спанаќ, ореви, соја млеко, црн грав, авокадо и путер од кикирики – исто така може да имате и намалено ниво на калиум. Всушност, повеќе од 50 проценти од луѓето со тежок дефицит на калиум, исто така, може да имаат дефицит на магнезиум.

„Недостаток на калиум може да доведе до покачен крвен притисок како симптом.“

Вашиот крвен притисок се покачува

„Калиумот и натриумот имаат рамнотежа во телото“, вели Хултин. Постојат некои докази кои сугерираат на тоа дека ако нивоата на натриум се премногу високи, нивоата на калиум се премногу ниски, тоа може да игра улога во покачен крвен притисок.

Прочитајте:  Морска или обична сол?

Помислете на калиум како главна асоцијација за регулирање на сол. Кога земате премногу натриум, вашите крвни садови се под стрес. Но, бидејќи калиумот работи да ги измие штетните материи од вашето тело, може да ги ублажи некои од штетните ефекти од внесениот вишок на сол, според Американската асоцијација за срце. Исто така, калиумот помага да се опуштат ѕидовите на крвните садови, што може да помогне во намалување на крвниот притисок.

Имате бубрежни камења

„Симптом на недостаток на калиум може да биде доколку имате проблем со бубрезите.“

Камчиња на бубрезите се тешки маси направени од минерали кои се формираат во внатрешноста на бубрезите. Нивното елиминирање преку урина може да биде исклучително болно. Во една студија направена на повеќе од 90.000 жени на возраст од 34 до 59 години кои немале историја за постоење на бубрежни камчиња, истражувачите откриле дека кај 35 отсто од испитаните имале помалку камчиња на бубрег после 12-годишно следење ако добивале повеќе од 4.099 милиграми калиум дневно во споредба со жени кои внесувале помалку. Калциумовите камчиња се најчестиот вид, затоа што калиумот им помага на вашите бубрези да го измијат вишокот калциум преку урината,доколку нивото на калиум е ниско тоа може да е добра подлога за да овие маси се развиваат.

Се чувствувате изнемоштени и уморни

Има многу работи кои можат да влијаат на вашата енергија, како што се дехидртација, лекови, па дури и одредени здравствени состојби. Но, ако спиете нормално и се чувствувате уморно во текот на денот, добро е да ја преиспитате вашата исхрана за да сте сигурни дека добивате доволно калиум.

„Симптом на недостаток на калиум може да биде и грч во мускули.“

Грч во мускули

Ако болните мускулни грчеви во нозете се постојан проблем, недостаток на калиум може да биде причина,особено доколку се занимавате со спорт.

Како да се добие доволно калиум?

Најдобар начин да се внесат препорачаните 4.700 милиграми калиум дневно е да ја збогатите вашата исхрана со овошје и зеленчук. Според Центрите за контрола на болести и превенција, само 1 од 10 возрасни јадат препорачаната количина овошје(најмалку 1,5 до 2 чаши дневно) и зеленчук (најмалку 2 до 3 чаши дневно).

Сигурно првото нешто што ви паѓа на памет се банани, но има и многу други храни во кој се наоѓа спакуван калиумот. Можете да го најдете во лиснат зеленчук, домати, краставици, тиквички, модар патлиџан, авокадо, тикви, компири, моркови, суво грозје, моркови, грав, млечни производи како млеко и јогурт, месо, живина, риба и ореви .

Додатоци во прехрана кои содржат калиум може да бидат препишани од лекар ако е докажан дефицитот или доколку има здравствена состојба или пациентот пие одредени лекови кои го нмалуваат неговото ниво. Имајте на ум дека самостојно земање на додатоци со калиум всушност може да биде опасно и да предизвика проблеми со срцевиот ритам или дури и да доведе до застој на срцето, така што секогаш консултирајте се со вашиот лекар.


Споделете со пријателите!