mitovi-za-vezhbanjeto-stareenjeto_image
Споделете со пријателите!

Со стареењето се појавуваат многу мисли што доведуваат луѓето да се откажат од физичките активности и полека да станат пасивни.
Фитнесот е безвременски бидејќи кај секое лице на било која возраст може да направи огромна разлика во телото и духот. Меѓудругото, активното вежбање го подобрува здравјтето со тоа што помага во намалувањето на несаканата тежина, лошиот холестеролот и високиот крвен притисок.

Без оглед на тоа на која возраст сте вежбањето несомнено секогаш ќе направи да се чувствувате подобро. Но, сепак, поголемиот дел од луѓето со текот на годините полека ја занемаруваат физичката активност сметајќи дека веќе не можат да вежбаат заради многу различни причини. Со стареењето се појавуваат многу мисли што доведуваат луѓето да се откажат од физичките активности и полека да станат пасивни.

Кои се најголемите митови кога станува збор вежбањето и стареењето?

Премногу сум стар/а да вежбам

Всушност, честото седење и лежење, наместо вежбање, се многу поризични за здравјето и може да го забрзаат процесот на стареење.

Неактивните луѓе имаат двојно поголема веројатност да развијат срцеви заболувања, а исто така многу почесто земаат лекови и го посетуваат својот доктор од оние што вежбаат.

Доколку не сте вежбале подолго време не плашете се, започнете со побавни аеробни активности, како пливање, што ќе ја зголемат работата на вашето срце.

За подобрување на целокупното здравје на срцето се препорачува 30 минути аеробна активност, 5 дена во неделата, како и 2 дена во неделата вежби за сила. Ако половина час на ден ви звучи премногу, започнете со 10 минути во денот, а потоа кога ќе се чувствувате поспремни зголемете го времетраењето на вежбите.

Ќе се повредам

Нема да се повредите доколку знаете што правите и вежбате во рамките на вашите способности. Најпрво, разговарајте со вашиот доктор пред да започнете било каква физичка активност. Тој може да ве советува кои активности може да ги правите, а кои да ги избегнувате.

Не заборавајте дека колку повеќе сте физички активни, толку е помала веројатноста да се повредите. Практикувањето на активности како јога и таи чи, исто така, може да ви помогнат во подобрувањето на рамнотежата со што би можеле да го намалите ризикот од падови при кои може да се повредите.

Прочитајте:  5 Причини зошто „Spinning“ е добар за вас

Моето срце не е доволно силно

Редовното практикување на некоја физичка активност помага токму да се зајакне срцето, а не да се стави во ризик за некое заболување. Се разбира, во одредени случаи кај постари луѓе коишто страдаат од срцева болест докторите би препорачале да се избегнуваат интензивни вежби, но, сепак, вежбањето без сомнение помага во подобрувањето на здравјето на срцето.

Оттука, физичката активност може да биде подолга прошетка. Тоа е сосема доволно за да ја подобрите циркулацијата на крвта и да го намалите нивото на холестерол. Истовремено, прошетката на чист воздух ќе направи да се чувствувате подобро во текот на целиот ден.

Не можам да се движам како во младите години

Не правете споредби во оние работи коишто можете да направите денес и оние што сте ги правеле во минатото. Не е нужно вежбањето да се практикува често и интензивно како што сте го практикувале во вашите дваесетти. Доволно е да се обидете да вежбате полесни активности и да се движите почесто и сето тоа да го правите според вашето темпо и способности.

Една студија од Универзитетот Јеил открива дека постарите кои оделе само 20 минути дневно по 2 години имале помал ризик од попреченост во мобилноста од оние кои не се движеле.

Немам друштво за вежбање

Секогаш може да најдете некој што ќе сака да вежба или да оди на прошетка со вас. Побарајте ги вашите роднини, пријатели или комшии за мала прошетка низ паркот или кејот или пак за пливање еднаш или два пати во неделата. Обидете се да побарате пријател/ка со сличен вкус и интерес на вашите.


Споделете со пријателите!