Англиски истражувачи развија два нови потенцијални тестови кои би можеле помогнат во раното откривање на нарушувањата на аутистичкиот спектар кај децата.
Група истражувачи од „University of Warwick“ во Лондон развија два потенцијални тестови кои би можеле да го откријат аутизмот кај децата на рана возраст. Двата тестови коишто се развиени за тестирање преку крв и преку урина се базираат на претходно откриена врска помеѓу оштетувањето на протеините во крвната плазма и аутизмот. Тимот истражувачи верува дека тестовите се први од ваков тип и се надева дека истите би можеле да помогнат во раното откривање на нарушувањата на аутистичкиот спектар.
Студијата, објавена во списанието „Molecular Autism“, потврди едно претходно истражување кое најде поврзаност помеѓу одредени мутации во аминокиселинските транспортери со аутизмот. Протеините во крвната плазма можат да бидат оштетени со два процеси, оксидација и гликемија, а истражувачите развија тестови кои можат да ја детектираат токму таа штета.
Знаејќи го ова и користејќи ги најсигурните од тестовите што ги развиле, тимот земал примероци од урина и крв од 38 деца дијагностицирани со нарушување на аутистичкиот спектар, како и од 31 деца кои не биле дијагностицирани со нарушување на аутистичкиот спектар. Со помош на развиен алгоритам за вештачка интелигенција, тимот сфатил како двете групи се хемиски различни.
„Со понатамошни тестирања можеме да откриеме специфични профили од плазна и урина или т.е. отпечатоци на соединенија со штетни модификации. Ова може да ни помогне да ја подобриме дијагнозата на нарушување на аутистичкиот спектар и да се насочиме кон наоѓање нови причини коишто би можеле да бидат предизвикувачи“, потенцираат авторите на студијата.
Истражувачите сè уште целосно не разбираат и немаат објаснување зошто децата развиваат аутизам. Помеѓу 30 и 35 отсто од случаите на деца со аутизам се поврзани со генетски варијанти, но не постои точна формула за предвидување на аутизмот. Како и со многу други услови, генетиката, животната средина и други фактори играат улога. Во последниве години има дури и докази дека цревните бактерии можат да покажат дали некој има аутизам или не.
Пронаоѓањето на биомаркери за нарушување на аутистичкиот спектар се чини дека не е многу далеку од она што го постигнал тимот од Ворвик, бидејќи нивното истражување покажало дека мерењето на оштетувањето на протеините може да биде сигурен индикатор за тоа дали детето има аутизам или не.
Случаите на нарушување на аутистичкиот спектар се карактеризираат со широк спектар на симптоми кои можат да се движат од благи проблеми во однесувањето до посериозни проблеми како што се компулсивно однесување, анксиозност, когнитивно оштетување и други. Со оглед на тоа што симптомите се многу различни и причините за заболувањето сè уште не се целосно разбрани, дијагнозата и третманот може да бидат релативно тешки за одредување.
„Доколку овие тестови наидат на одобрување тие може да овозможат децата со аутизам да добијат порана дијагноза со што тие би ја добиле можноста да да добијат и соодветен третман порано. Со ова тестовите би биле од суштинско значење за помагање на децата со аутизам да го подобрат својот квалитет на живот“, вели во извештајот тимот истражувачи од Лондон.
