golemite-ranci-predizvikuvaat-problemi-kaj-decata_image1
Споделете со пријателите!

Особено во зимскиот период е тешко да се обезбеди избалансирана храна за своите деца
Од најразлични причини понекогаш е тешко да им обезбедиме на своите деца балансирана исхрана. Во облачните и зимските денови потребно е дополнително внесување на витамин Д3 и Омега 3 мастни киселини, поради недостаток на сончевите зраци.

Витаминот Д, исто така познат како сончев витамин, се произведува во телото како одговор на изложување на сонце и затоа особено важно е да се внесува дополнително во зимските месеци.

Витаминот Д има повеќе улоги во телото, го помага:

  • Одржување на здравјето на коските и забите,
  • Го поддржува имунолошкиот систем, мозокот и нервниот систем,
  • Нуди поддршка на функцијата на белите дробови и кардиоваскуларното здравје,
  • Омега 3 масните киселини се сметаат за „неопходни“, бидејќи тие не се произведуваат од телото но се особено важни во детството.

Омега 3 масни киселини влегуваат во составот на мембраните на нервните клетки. Овозможуваат комуникација помеѓу нервните клетки, што е неопходно за добро ментално здравје. Името Омега 3 се однесува на 2 вида незаситени мастни киселини ДХА (Docosahexanoic Acid) ЕПА (Eicosapentanoic Acid). Тоа се фосфолипидни молекули кои се структурни елементи на сите мембрани, и особено важни за структурата на мозокот, развојот на нервните клетки и нивните мембрани.

Нови испитувања покажуваат дека кај деца со дислексија, депресија, синдром со дефицит на внимание и хиперактивност, аутизам, концентрацијата на (DHA) е многу по ниска од колку кај деца кои се здрави.

Препораки за правилен внес на Oмега 3:

  • Јадење риба барем два пати неделно (лосос, сардини, туна, скуша),
  • Внесувајте ореви, ленено семе и нерафинирано масло,
  • Во гриз, кифлички и други видови домашно направени печива можете да додадете неколку супени лажици ленено семе (мелено во домашен миксер),
  • Заменете ги секојдневните ужинки со мали порции јаткасто овошје и семки во мали количини од околу 1-2 супени лажици.
Прочитајте:  Воспитајте дете со самодоверба

Секојдневниот избор на храна за децата би требало да се однесува на продукти кои содржат омега3 и витамин Д3. Омега 3 мастните киселини ги има во рибите, како и во ореви, јајцата, сојата. Недостигот од Омега 3 масни киселини може да се надомести и со суплементи, а стручњаците главно препорачуваат комбинација од Д3 и Омега 3 суплементи од рибино масло, зашто тоа обезбедува најголеми количини EPA и DHA за организмот.

Д-р Султана Асани – специјалист педијатар

PharmaS_Vitosi_baner_700x90


Споделете со пријателите!