Дознајте која храна е најдобра за да се изборите со настинката
Овој период настинките се неизбежно секојдневие. Ладното време и опаѓањето на температурите го слабее имунитетот и доведува до состојба на настинка и грип. Оваа состојба може да се манифесира преку треска, болки во зглобовите, мачнини, повраќање и зголемена телесна температура. Затоа е потребно да се консумира храна која што ќе делува токму на овие симптоми, а воедно да се избегнува онаа храна која што ги зголемува. Имајте на ум дека храната против настинка нема магично дејство, но значително ги намалува мачните симптоми. Нема некои особени правила, едноставно применувајте балансирана исхрана, која што ќе ви ја даде потребната енергија. Клучно е да одмарате и да не се напрегате. Јадете тогаш кога ќе почувствувате глад и постојано пијте течности. Еве кој вид на храна најдобро помага да се изборите со настинката:
Ѓумбир
Ѓумбирот ги намалува и олеснува симптомите на мачнина кои што се чести за настинката, со тоа што делува смирувачки на стомакот, односно ја регулира работата на цревата. Чај од корен од ѓумбир со мед и со лимон, ќе ве стопли и ќе ви ја подобри циркулацијата на телото.
Банани
Бананите се познат извој на енергија, која му е потребна на телото при настинка. Освен тоа, бананите се добри за варењето на храната. Тие содржат потасум, важен електролит кој го контролира губењето на течности. Сепак, не треба да се претерува со нивно консумирање. Внимавајте постојано да пиете течности за да не дехидрирате.
Пилешка супа
Користа од пилешката супа е потврдена и со истражување, така што обидете се да ја консумирате во што поголеми количини. Ќе ве стопли и ќе ја намали болката во градите со тоа што ќе ги ослободи дишните патишта.
Лук
Познати се анти-вирусните и антибактериските својства на лукот, но едно истражување докажа дека при настинка, лукот всушност и не помага многу. Секако, добро е да се јаде доколку не ви пречи силниот мирис.
Не е потребен специфичен или ригорозен начин на исхрана, единствено зголемена нега и внимание. Избегнувајте алкохол бидејќи дополнително го слабее имуниот систем кој станува поподложен на инфекции. Исто така, избегнувајте мрсна храна која само ќе ги зголеми симптомите на мачнина, а истото се однесува и за јадење на слатки заради малата нутритивна вредност што ја поседуваат. На телото му се потребни протеини за да закрепне, затоа најдобар избор е внесување на свежо овошје и зеленчук со цел да ги добиете потребните витамини и минерали. Колку е поголема хранливата вредност на храната што ја внесувате, толку побрзо ќе го зајакнете имунитетот и ќе се ослободите од настинката.
