Споделете со пријателите!
Како тренираа Амазонките од Wonder Woman
Робин Рајт стана позната по хит серијата House of Cards, а деновиве е актуелна со премиерата на филмот Wonder Woman. Во филмот сите Амазонки се во врвна форма, силни и со совладани боречки вештини. Актерките признаваат дека нивната форма е резултат на напорно вежбање, но најголем фитнес предизвик имаше Робин Рајт, бидејќи е двојно постара од останатите актерки. Таа изгледа моќно и силно, за што вели дека за улогата не само што вежбала, туку учела и боречки вештини, како и јавање на коњ. Робин кажува дека вежбале сите заедно, како тим, сите 150 Амазонки заедно во една сала.
„Јававме коњи еден час, оттаму одевме во сала за вежбање и подигавме тегови за да формираме мускули за најбрзо можно време“
„Јававме коњи еден час, оттаму одевме во сала за вежбање и подигавме тегови за да формираме мускули за најбрзо можно време. Внесувавме од 2 до 3 000 калории дневно и пиевме смути со овес и авокадо, како и суплементи за мускулна маса“, објасна Рајт за магазинот The Edit. Воедно, додека другите имале неколку месеци за да се подготват за улогата, Рајт имала само 5 недели многу напорен тренинг, заради нејзините ангажмани во House of Cards. Кога не се подготува за Амазонка, Рајт својата фигура ја одржува со секојдневно трчање, кревање тегови и јога.
Споделете со пријателите!
