novo-pomagalo-za-spienje_image
Споделете со пријателите!

„The Sleep Shepherd Blue“ во текот на ноќта ја мониторира состојбата на мозокот и соодветно ги прилагодува брановите за да нè одржи во сон
Веќе пишувавме за Nexalin терапијата со специјални мозочни бранови за третирање на анксиозност, депресија и несоница. Сега технологијата отиде чекор понапред благодарение на големите умови кои сакаат да ни го подобрат животот. Ова помагало наречено The Sleep Shepherd Blue (во прев. oд анг. „Синиот чувар на сонот“), е првото помагало за спиење од овој вид, кое користи binaural beats  технологија на звучни бранови (бинаурален ритам) управувани со биофидбек, со што активно се оптимизира сонот.

Поедноставно кажано, звучните бранови ни помагаат да заспиеме и ја менуваат својата фреквенција согласно степенот на нашата будност или заспаност. „Слип Шеперд Блу“ е удобен за носење во текот на целата ноќ без да почувствуваме дека го носиме, поради тоа што е направен од лесен и мек материјал, што одговара на кожата. „Слип Шеперд Блу“ е во можност постојано да ја мери активноста на мозокот, т.е. мозочните бранови што ги емитува нашиот мозок за време на сонот и според тоа да ја прилагодува соодветно потребната фреквенција за постојано да сме во длабок сон без употреба на хемиски антидепресиви и лекови за спиење.

Придружната апликација за мобилен телефон што доаѓа заедно со уредот, нуди веродостоен увид во нивото на спиење и ориентацијата на спиењето, како и увид во регистрираните дневни, неделни и месечни шеми на спиење на корисникот на уредот.

Кога станува збор за квалитетен сон, не се важни само часовите што ги поминуваме секое деноноќие во кревет, туку времето поминато во фазите на сонот кои се неизбежни за регенерација и одмор на телото и умот.

Најважната фаза од циклусот на спиење, длабокиот сон – е токму онаа фаза од спиењето што ни овозможува да се чувствуваме освежени наутро.

Длабокиот сон ни помага да ги регенерираме мускулите, ја подобрува брзината на менталните реакции и позитивно влијае на нашето расположение. Лицата кои имаат недостаток на добар сон и имаат проблеми со заспивањето, најчесто се депресивни, анксиозни и немаат елан и желба за живот.

Прочитајте:  Сè што треба да знаете за клаустофобијата

novo-pomagalo-za-spienje_image1Професионалниот пронаоѓач Мајкл Ларсон, кој е претприемач и машински инженер по професија, започна да работи на овој проект откако на неговата 17 годишна ќерка ѝ билo дијагностицирано нарушување на сонот. Овој освестен татко не можел да се помири со фактот дека неговата тогаш уште малнолетна ќерка Џесика Ларсон, мора да пие секојдневно опасни лекови што создаваат зависност. Истите тие лекови, како што кажува самиот во видеото подолу, во секојдневието се користат како дроги за силување. Овие лекови не само што не ѝ помагале на Џесика да има нормален сон, причинувале таа да се чувствува лошо во текот на денот.

„Најпрво била создадена капата „Слип Шеперд“, а потоа подобрената верзија во форма на лента за глава

Мајкл, кој е претседател на одделот за инженеринг и иновации при Универзитетот во Колорадо и зад себе веќе има редица на корисни иновации, не можел да се помири со фактот дека неговата ќерка мора да пие апчиња за да може да спие, решил да истражува и да создаде помагало за спиење кое нема да вклучува употреба да никакви лекови. Најпрво била создадена капата „Слип Шеперд“, а потоа помалата и подобрена верзија во форма на лента за глава.

Суптилните приспивни звуци што ги емитува оваа лента за глава го заспиваат мозокот, ставајќи го по природен пат во медитативна состојба сè до длабок сон. „Брановите се како нашалка за вашиот мозок. Му помагаат на мозокот да се успори, што претставува дефиниција на сонот“ – истакна професорот Мајкл за „Хафингтон Пост“. Научните истражувања сугерираат дека бинауралните бранови го подобруваат квалитетот на сонот, но потребни се додатни истражувања. „Слип Шеперд“ е идеален за оние кои сакаат да ги избегнат лековите. На пазарот постојат и други помагала што емитуваат вакви бранови, но не ги емитуваат директно во ушите. 


Споделете со пријателите!