Не е доволно само да се знае дека во секојдневната диета треба да се внесуваат соодветни количества на витамин Ц. Треба исто така да се знае колкав е препорачаниот износ на тоа „соодветно количество“
Многу од суплементите сè уште не се соодветно тестирани и проверени, па со тоа нивната безбедност и ефикасност не можат да се потврдат. Исто така, разни видови на суплементи дури и од ист производител, може многу да варираат во својот состав. Затоа треба да знаеме дека препораките за дозирање не може да соодветствуваат под еднакво за сите видови на додатоци за исхрана. Покрај тоа, секој човек има свои индивидуални потреби за витамин Ц.
Извори на витамин Ц
Многу прехранбени продукти содржат витамин Ц, но кога ни е потребен овој витамин, треба да знаеме кои се видовите на храна кои го содржат најмногу. Витаминот Ц може да се најде во природна форма во многу зеленчуци и овошни плодови, па и во многу билки, зелјести растенија, но може да се најде и во форма на суплементи. Витаминот Ц најмногу го има во: ацеролата, шипките, пиперките, гуавата, магдонос, темнозелените листести зеленчуци, киви, брокула, јагодестите плодови, цитрусите, доматите, грашок и останати мешунки, папаја.
Препорачливо е секојдневно да се консумира свежа храна, па оттука потешко е да се појави дефицит на витамин Ц. Сепак, кога немаме доволно услови да се храниме соодветно или пак кога некој веќе има недостиг од витамин Ц или скорбут, пожелно е да се користат и суплементи за пациентот побрзо да се излечи и да го надомести недостатокот.
Дозирање на витамин Ц
Неодамна некои експерти се прашуваа дали препорачаниот дневен внес на витамин Ц треба да биде зголемен. Други пак, препорачуваат додатен внес на витамин Ц од 35 милиграми за одредени индивидуи, како на пример пушачите. Препорачаниот дневен внес на витамин Ц од страна на Американскиот одбор за храна и нутриционистика – U.S. Food and Nutrition Board од Институтот за медицина – Institute of Medicine е следниот:
- За возрасни мажи над 18 години – 90 милиграми;
- За возрасни жени над 18 години – 75 милиграми;
- За трудници над 18 години – 86 милиграми;
- За доилки над 18 години – 120 милиграми;
- За бебиња до 1 година – експертите сметаат дека доволна е количината на витамин Ц во човечкото млеко. Сепак, за да не дојде до дефицит од витамин Ц или доколку забележите симптоми на недостиг кај бебето, пожелно е да го храните со специјална храна за бебиња збогатена со витамин Ц;
- Деца од 1 до 3 години – 15 милиграми;
- Деца од 4-8 години – 25 милиграми;
- Деца од 9-13 години – 45 милиграми;
- Адолесценти од 14 до 18 години – 75 милиграми за момци, а 65 милиграми за девојки.
Експертите советуваат внимателно да се читаат упатствата за употреба и табелите за состав на производите, но и да се продискутира околу дозата со квалификувана личност (нутриционист или лекар), пред да се започне со терапијата.
Дозирање при третман на одредени заболувања:
- За лекување на скорбут (дефицит на витамин Ц) – витаминот Ц може да биде земан орално или во инјекции. Некои експерти препорачуваат 100-250 милиграми вит. Ц орално и тоа 4 пати дневно во времетраење на една седница. Други пак, сметаат дека за лекување на ова заболување потребни се 1-2 грама дневно првите два дена, а потоа треба да се продолжи со 500 милиграми дневно во период од седум дена. Симптомите ќе започнат да се повлекуваат во првите 24-48 часа, а скорбутот ќе се повлече во потполност после една недела.
- За превенција на настинка – 200 милиграми или повеќе секој ден во период од 14 дена или повеќе;
- За лекување на настинка – од 200 милиграми до 3 грами дневно во времетраење од 5 дена или повеќе;
- За зголемен крвен притисок – од 60 милиграми до 4 грама дневно во период од 6 до 16 недели.
ВАЖНО: Придржувајте се до препораките на вашиот лекар!
