dove-kompanijata-obvineta-za-rasizam_image
Споделете со пријателите!

Цела седмица светот зборуваше за последната кампања на Dove а темата е – расизам
Цела седмица се зборува за најновата кампања на познатата компанија Dove којашто прави производи за нега на тело. Станува збор за кратко видео од три секунди, објавено на „Фејсбук“, во коешто се прикажува како жена со темен тен ја соблекува маицата и под неа се крие бела жена. Повеќето, оваа реклама ги асоцираше на расизам – како со користењето на Dove купката за тело, црното станува бело, а тоа е вознемирувачка и расистичка порака. Исто така, многумина оваа реклама ги потсети на расизмот во маркетингот во САД на почетокот на минатиот век, со реклами во кои црни дечиња се мијат со сапун за да станат бели. После првите реакции, Dove веднаш го повлече видеото и се извини дека тоа не била нивната намера.

„Целта на краткото видео беше да покаже дека овој гел за туширање е за секоја жена и дека различноста треба да се слави, но погрешивме“, велат од Dove.

Воедно, ваквата нивна грешка не е прва. И претходно имаше бурни реакции на истата тема и за уште една нивна кампања. Dove не е единствена компанија којашто е на удар на јавноста заради „погрешно толкување“ односно прифаќање од страна на потрошувачите, но секако дека е потребно да бидат многу претпазливи, особено кога станува збор за една ваква чувствителна тема, бидејќи уникатноста на нивниот бренд се заснова токму на доверба. Со оваа кампања многумина ја изгубија довербата во брендот и остро го осудија. Од Dove открија дека започнале со ревизија на внатрешните процеси на создавање и објавување на содржини.

Прочитајте:  „Вегануари“ - јануари посветен на веганството 

Споделете со пријателите!