kolku-zdravite-naviki-se-zdravi_image
Споделете со пријателите!

Познати навики за коишто мислиме дека се здрави а всушност не се
Секој од нас има навики до кои се придржува и за коишто смета дека му одговараат. Воедно, постојат и навики за коишто сите знаеме дека се здрави и корисни, како навиката да се измие овошјето пред да се консумира или пак редовното вежбање. Конкретно овие навики се здрави, но постојат и такви за коишто долго време се сметало дека ни се од корист, а всушност немаат ефект или пак придонесуваат за спротивен ефект. Во продолжение, откриваме неколку такви здравствени навики.

Користење мултивитамини

Мултивитамините не го намалуваат ризикот од развивање на одредени болести и немаат никаков ефект врз вашата меморија или агилност. Доколку сакате да најдете теории дека тие се корисни за вас, секако дека ќе најдете, но сите најнови научни истражувања, го тврдат токму спротивното – мултивитамините имаат ист ефект како и плацебо таблетите, па затоа престанете да трошите пари за нив. Позитивните студии опфаќаат само дел од содржината на овие суплементи, односно се задржуваат на одредени витамини и минерали. Вистината е дека овие производи ги има во различни форми и состави и не е сосем јасно што сè содржат и каков е нивниот нутритивен статус.  Ако сакате да внесете различни витамини, хранете се разновидно и јадете сезонска храна.

Антибактериски сапуни

„Овие антибактериски сапуни ги убиваат лошите но и добрите бактерии“

Минатата година, Американската агенција за храна и лекови ги отфрли антибактериските сапуни, затоа што не постојат докази дека тие навистина функционираат. Тие дури може содржат и штетни состојки, ги убиваат лошите но и добрите бактерии за нашиот организам, а многу од нив не претставуваат вистинска закана за најопасните микроорганизми, потврдуваат научните студии.

Прочитајте:  Видео игра за откривање на деменција

Детоксикација

Детоксикација е термин којшто стана многу популарен последниве години. Детокс начинот на исхрана се промовира дека има антиоксидативно, противвоспалително, антибактериско, антиалергенско и диуретично дејство врз организмот, па се препорачува за целосно прочистување на организмот и негово чистење од токсини, отрови. Ваквите навики се само од неинформираност и влијание од околината.

Доколку токсините би се таложеле во организмот на таков начин како што се претставени од страна на продавачите, тогаш сите би имале сериозни здравствени проблеми.

Здравото тело има органи задолжени за преработка и прочистување коишто работат постојано. Сепак, многумина тврдат дека по завршувањето на детокс програмата се чувствуваат полесно, а главната причина за тоа е дека тие денови не внесувале процесирана храна. Остануваат препораките на избегнување на таков вид на храна и поголем внес на свежа храна, наместо детокс, кој може да биде и опасен за здравјето.

Ниско-масни производи

На нашето тело му се потребни јаглехидрати, протеини и масти. Можеби со тоа што нема да консумирате производи кои содржат масти, ќе ослабете, но нема да бидете многу поздрави. Всушност, во некои случаи, намалувањето на масти значи висока количина на шеќер кој е многу поштетен за здравјето. Многу истражувања докажале дека ниско-масната диета не го намалува ризикот од срцеви заболувања, рак или друг сериозни заболувања.


Споделете со пријателите!