deset-nacini-kako-da-prestanete-so-rcenje
Споделете со пријателите!

Ослободете се од `рчењето со примена на неколку корисни совети
Ноќното `рчење за време на спиењето, е проблем на милиони луѓе. Оваа состојба ги зафаќа и двата пола, но кај мажите е изразена во поголем процент. Можните причини за `рчење се многу: искривување на носните прегради, срцеви заболувања, апнеа, зголемување на телесната тежина, нездрав начин на живот. Ризикот од `рчење значително се зголемува со стареењето, бидејќи мускулите во грлото се олабавуваат. `Рчењето доведува до неквалитетно спиење што се одразува врз дневните активности на оној што `рчи како врз неговиот партнер и луѓето околу него. Некогаш решението е во неколку едноставни промени.

Еве неколку совети што ќе ви помогнат да престанете со `рчење:

  1. Не пијте алкохол пред спиење. Многу луѓе сакаат да се опуштат пред спиење со чаша вино или друг пијалак, но оваа навика всушност доведува до `рчење, бидејќи алкохолот ги олабавува мускулите во грлото.
  2. Внимавајте на телесната тежина. Зголемената телесна тежина го нарушува спиењето. Задебелувањето околу вратот го притиска мекото ткиво во грлото, што резултира со `рчење.
  3. Престанете со пушењето. Или барем намалете го бројот на цигари непосредно пред одење во кревет. Цигарите ги иритираат дишните патишта и не дозволуваат нормален проток на воздух за време на спиењето.
  4. Сменете ја позицијата во која спиете. Спиењето на грб го зголемува `рчењето, бидејќи јазикот го блокира слободниот проток на воздух. Обидете се да спиете на страна за да го подобрите квалитетот на спиењето. Пробајте го трикот со тениско топче, па доколку сакате да спиете на грб, тоа ќе ве притиска да спиете на страна.
  5. Исчистете го креветот. `Рчењето може да биде предизвикано од алергени во спалната соба. Инвестирајте во квалитетни перници и навлаки и ослободете се од правот и алергените.
  6. Користете навлажувач за воздух. Редовно проветрувајте ја спалната соба и внимавајте воздухот во собата каде што спиете да не биде сув, бидејќи на тој начин го надразнува и суши грлото.
  7. Откријте дали имате сезонски алергии. Сезонските алергии често се причина за затнато грло и проблеми со дишењето. Доколку имате сезонска алергија, пред одење во кревет напијте се чај од коприва, но задолжително побарајте совет од вашиот лекар.
  8. Вежби за устата. Постојат многу вежби  кои ќе ви помогнат да се ослободите од `рчењето.
  9. Не одете во кревет преморени. `Рчењето се зголемува доколку одите во кревет преморени. Пробајте да се релаксирате пред спиење со есенцијални масла или други техники кои ќе ви го опуштат цело тело.
  10. Операција. Обратете се кај Вашиот лекар доколку не можете да престанете со `рчење. `Рчењето можеби е индикатор за некое поголемо заболување.
Прочитајте:  Витаминот Д и неговите здравствени придобивки

Споделете со пријателите!