dali-zborot-bravo-e-nepotreben-koga-sakate-da-go-pofalite-svoeto-dete-2-del_image
Споделете со пријателите!

Децата сакаат да се активен дел од општеството (во случајот семејството) и да се почувствуваат вистински полноправни во овој мал социум е исклучително важно за нивната самодоверба. Затоа секогаш истакнете ја нивната помош и заслуга на правилен начин.
Кога пофалните зборови повеќе се фокусираат на процесот на успех, а не на крајната цел ние ќе ги натераме децата да станат самокртични, да се ценат себеси и сопствената работа. Подолу наведените примери се само неколку од начините преку кои ќе изразиме позитивна поддршка за децата. Подолу можете да погледнете некои од илустративните примери кои најчесто се користат од наставниците Монтесори како продолжение на примерите наведени во дали зборот „браво“ е непотребен кога сакате да го пофалите своето дете.

Гледам дека си користел многу детали!

Ако детето не е задоволно од пофалбата, која веќе сте ја искажале, тоа очекува да му се каже нешто специфично, што ќе укаже дека има специфичност во неговата работа. Во ваквите случаеви не треба да завршите со „браво“ кое го генерализира трудот на малиот човек. Дадете коментар за тоа како целиот цртеж е составен, коментирајте го сработеното на одделни делови од неговото дело. Може на пример да кажете дека користел толку многу детали што од далеку може да се види дека тоа е вашата куќа.

Овој тип на разговор му дава можност да види дека возрасниот навистина е заинтересиран за работата.

Ова беше многу корисно!

Доброто однесување на детето е уште една причина да бидеме во искушение да го „наградиме“ со зборот „браво“. Обидете се да кажете нешто по значајно, да коментирате попрецизно за она што навистина ви се допаѓа за неговото однесување.

„Тоа беше многу корисно“ или „Ти благодарам за помошта“ се добри изрази кои може да го користите кога малиот човек ви помага со домашните обврски.

Децата сакаат да се активен дел од општеството (во случајот семејството) и да се почувствуваат вистински полноправни во овој мал социум е исклучително важно за нивната самодоверба. Затоа секогаш истакнете ја нивната помош и заслуга на правилен начин.

Ти беше сконцентриран и ја напиша побрзо домашната, сега имаш екстра време да играш.

Ти се облече побрзо сега имаш екстра време да играш. Прекрасно, нели?

Коментарите кои се однесуваат на добар резултат на однесувањето на детето се импресивни начини да им покажате кое е корисното искуство од донесените одлуки. Помогнете му да ги види сите позитивни ефекти од сопствените постапки со цел понатака да се запраша навреме да ги направи вистинските избори.

Прочитајте:  Зошто децата имаат потреба од правила

Сестра ти е многу среќна кога и ја читаш оваа книга.

Кога вашето дете се однесува љубезно со некого, потрудете се да забележете и да акцентирате како се чувствува другото лице. Покажете му дека прегратката или драгиот збор навистина го осмислува целиот ваш ден. Фокусирајте се на среќата на неговите пријатели, кога споделува играчки со нив, како и во случаите кога покажува грижа и убав однос кон помалите сестри/браќа.

Често се случува „неморалното“ однесување на децата да предизвика реакции од околината, но многу поважно е да се обрне внимание и да се истакнат добрините кои го прават.

Има толку многу различни начини да ги охрабрите вашите деца вербално. За да го направите, сепак е потребно да ја заборавите навиката за одбележување на трудот со едно безсмислено „браво“. За таа цел е потребно да се почувствува на време моментот кога ненамерно ќе го кажете и пред да го направите, размислете за друг по специфичен начин преку кој ќе пројавите вистински интерес за работата на вашето дете. Со текот на времето, ќе создадете нова навика за охрабрување која природно ќе дојде до вашиот ум со секоја нареден пат.


Споделете со пријателите!