kako-da-go-podgotvite-deteto-za-brat-ili-sestra_image
Споделете со пријателите!

Доаѓањето на новиот член во семејството може да биде прифатено на различен начин во зависност од возраста на првото дете
Доаѓањето на ново бебе може да донесе многу предизвици во едно семејство. Вообичаено, родителите вложуваат многу во подготовка на сè она што е потребно за топло добредојде на најмалиот член. Сета енергија и внимание коишто ги посветуваат родителите може да предизвикаат измешани чувства кај првото дете кое е во исчекување на брат или сестра.

„Родителите треба да одвојат време и да разговараат со своето дете

Доаѓањето на ново бебе во семејството може да биде прифатено на различен начин во зависност од возраста на првото дете. Оттука е важно родителите да одвојат време и да разговараат со своето дете за да го подучат што да очекува и како да се однесува кон своето помало братче или сестричка.

Првиот разговор со вашето постаро дете

Возраста на вашето постаро дете без сомнение ќе влијае начинот на којшто истото ќе реагира на новиот член во вашето семејство. Додека постарите деца вообичаено се нетрпеливи да ја запознаат својата сестричка или братче, помалите може да бидат збунети или вознемирени. Имајте предвид дека е потребно да одвоите време и да го подготвите вашето дете за промени во семејството уште пред да се појават првите промени на вашето тело.

Деца помали од 2 години

Децата до двегодишна возраст се многу мали и не би можеле да разберат што навистина значи да имаат брат или сестра. Сепак, зборувајте со него за новиот член во вашето семејство. Гледајте заедно слики од семејства и бебиња и зборувајте му дека за скоро и вие ќе имате бебе во семејството.

Деца на возраст помеѓу 2 и 4 години

„Не го исклучувате вашето дете и охрабрете го да ви помага во помалите обврски“

Децата на возраст помеѓу 2 и 4 години може да се чувствуваат непријатно и вознемирено кога ќе ве гледаат колку внимание посветувате на бебето. Многу е важно да зборувате со вашето дете и да му објасните дека сите заедно ќе треба да се грижите за бебето. Обидете се да не го исклучувате вашето дете и да го охрабрите да ви помага во помалите обврски за да не се почувствува запоставено.

Децата на оваа возраст може да прашуваат многу интересни прашања во врска со бебето, оттука, подгответе соодветни одговори. Во текот на бременоста читајте му приказни за семејства, бебиња, браќа и сестри, како и гледајте слики и раскажувајте му за неговото раѓање.

Прочитајте:  Нови истражувања за ракот може да помогнат и во третирање на Алцхајмеровата болест

Деца на училишна возраст

Поголемите деца може да се почувствуваат љубоморни на вниманието и грижата која му ја посветувате на најмалиот член. Зборувајте со вашето дете и објаснете му дека ви е потребна и неговата помош во грижата за бебето. Потенцирајте му кои се предностите во тоа да се биде постар брат или сестра и колку е важно целосно да се вклучи во подготовките за бебето. Кажете му дека ви е потребна негова помош во бирањето на креветче или количка и во пазарењето на сè што е потребно за дочекот на бебето.

Во бременоста

И по првиот разговор, во текот на бременоста несомнено е потребно постојано да зборувате со вашето дете. Особено ако детето е на помала возраст треба да му објасните дека во најголемиот дел од времето во првите месеци бебето ќе јаде, спие и плаче. Во периодот кога ќе ги правите сите подготовки за бебето, како купување кревет, количка и сл., многу е важно да зборувате со вашето дете.
kako-da-go-podgotvite-deteto-za-brat-ili-sestra_image1

По пораѓањето

Штом ќе го донесете дома бебето мора да му помогнете на вашето дете да се навикне на промените што следат. Во првите неколку месеци по раѓањето е многу важно двајцата родители да се координираат и подеднакво да се посветат на своите деца за поголемото да не се почувствува запоставено.

Па така, додека мајката го храни бебето, таткото треба да поминува квалитетно време со поголемото дете.

Објаснете му на вашето поголемо дете дека во првите месеци на бебето ќе треба да се посвети многу внимание и грижа и охрабрете го да биде внимателно и нежно со бебето. Давајте му едноставни задачи на детето, како подготовка на пелени и облека за бебето по бањањето, што ќе помогнат да развие позитивни чувства кон бебето.

„Доколку првото дете не покажува заинтереси-раност за бебето, не се грижете“

Во зависност од возраста поголемото дете може да ви помогне и во заспивање на бебето, како и бањање или буткање на количката. Доколку вашето прво дете не покаже голема заинтересираност за новиот најмал член во семејството не се грижете. Вообичаено е потребно време додека детето навистина разбере што значи да има помала сестра или брат.


Споделете со пријателите!