chist-brich-protiv-sikoza-na-bradata_image
Споделете со пријателите!

Младите луѓе кои почнуваат за прв пат да се бричат, имаат големи шанси да заболат од една навидум тешко дерматолошки заболување.
Младите луѓе кои почнуваат за прв пат да се бричат, имаат големи шанси да заболат од една навидум тешко, но дерматолошки лесно излечиво заболување. Станува збор за сикоза, односно за фоликуларно воспаление по целата длабочина на фоликулот на влакното и може да биде предизвикана од инфекција со S. aureus или дерматофити.

„Заболување се јавува само кај мажите кои почнале да се бричат.“

Ова заболување се јавува само кај мажите кои почнале да се бричат. Започува со појава на мали фоликуларни папули или пустули и бргу се шири, ако лицето и понатаму продолжува да се бричи. Реакцијата на заболувањето кај луѓето е различна. Инфилтрацијата околу фоликулот може да биде мала или голема. Кај случаите со поголеми инфилтрати по заздравувањето остануваат лузни. Кај хроничните случаи, пак, пустулите може да останат ограничени само на еден дел, како на пример, над горната усна или на вратот. Влакната се епилираат тешко во случај на стафилококна сикоза, а релативно лесно во случај на габична сикоза.

Кај тешката сикоза, односно стафилококната, за утврдување на вистинската причина за нејзината појават, најнапред влакната треба да се отстранат и да се испитаат за присуство на габи, а пурулентниот материјал да се култивира за испитување. Мора да се напомене дека габичните инфекции обично се посериозни и создаваат регии со подлабоко и пошироко воспаление. Бактериските фоликуларни инфекции, пак, обично се манифестираат со одделени пустули, а псевдофоликулитисот има сличен изглед.

Прочитајте:  Светска недела на рационална употреба на антибиотиците

Локализираното воспаление се лекува локално со мупироцин, додека раширеното воспаление се лекува со орални антибиотици (на пр. пеницилински антибиотик, цефалексин) во период од барем две недели или додека сите знаци на воспалението да се исчистат. Повтрувањето на појавата не е честа, но доколку дојде до тоа потребна е дополнителна терапија со орални антибиотици, а бричењето да се врши со нов, чист брич.


Споделете со пријателите!