dali-kurkumata-leci-kandida_image
Споделете со пријателите!

Прочитајте како да се ослобите од упорната кандида
Во најголем број од случаите кога станува збор за вагинална габична инфекција, се работи за кандида (Candida albicans). Кандидата ја напаѓа и кожата, ноктите, како и оралната, урнарната и аналната слузница. Нормалната кисела pH на вагината, е средина која одржува рамнотежа помеѓу „добрите“ и „лошите“ бактерии и нарушувањето на оваа рамнотежа, односно зголемувањето на pH на вагината, создава средина погодна за развој на лошите бактерии. Најчестите симптоми на кандида се:

  • Чести настинки;
  • Алергии;
  • Сува кожа;
  • Бели наслаги на јазикот и лош здив;
  • Хроничен умор;остојана надуеност.

Постојат повеќе причини коишто можат да доведат до нарушување на оваа рамнотежа како: антибиотици, ароматични сапуни, средства за интимна хигиена, контрацепција, стрес.

Исхраната е многу важна за лечење на кандидата.

Брзата храна, големиот внес на шеќери и бело брашно, односно сите рафинирани производи, многу придонесуваат кандидата да биде постојано присутна и тешко лечлива. Исто така, треба да се избегнува премногу тесна облека и синтетика. Лекарите препорачуваат да не се јаде шеќер, конзервирана храна, млечни производи, бело брашно, алкохол, житарици и мешунки, компир, печурки. Намирници коишто може да се јадат се: јајца, морски плодови, месо, млеко од соја, кефир, маслиново масло, блитва, спанаќ, брокула, лимон.

Доколку сакате да ја победите кандидата, во вашата исхрана треба да ја внесете куркумата. Таа претставува познато антивоспалително средство и одличен антиоксиданс. Постојат бројни истражувања коишто докажуваат дека куркумата делува антибактериски и антигабично а се смета дека може да делува ефективно и при третман на Кронова болест, улцерозен колитис и артритис. При бројните студии, од сите корисни својства што ги поседува, се испитало дека куркумата има најголем ефект при лекување на кандидата, но потребни се дополнителни научни студии.

„Куркумата можеби нема да ви помогне во борбата со кандидата на магичен начин, но е корисна да ја консумирате“

Колку и да се повторува дека куркумата е корисна, сепак е зачин и не може да се употребува во големи количини. Воедно, во ниедна студија не е истакнато колку треба да се внесува куркума за да делува. Оваа задача е оставена на нутриционистите коишто најчесто препорачуваат куркума во вид на суплементи. Куркумата е добар зачин за месо или јајца. Комбинирајте ја како додаток во јадењето заедно со ѓумбир, кокосово млеко, цимет, исто така познати по своите антивсопалителни својства. Можеби нема да ви помогне во борбата со кандидата на магичен и брз начин, но дефинитивно е корисна да ја консумирате.

Имајте на ум дека лекувањето на кандидата е процес и не постои еден вид на храна или зачин кој ќе направи таа да исчезне преку ноќ.

Придржувајте се до класичната терапија, која се се состои од локална терапија со вагиналети кои содржат антимикотик. По завршувањето на терапијата, се препорачува пробиотик (јогурт или пробиотски препарат), за обнова и заштита на нормалната вагинална микрофлора. Како додаток на терапијата, воведете го препорачаниот начин на исхрана како и промени во животниот стил односно редовна физичка активност, носење памучна долна облека и промени во интимната хигиена за зачувување на интимното здравје. Доколку и после терапијата кандидата не се повлекува, задолжително обратете се на гинеколог, бидејќи може да станува збор да нешто друго, на пример, погрешна дијагноза.

Прочитајте:  Стоп на биолошкиот саат

Споделете со пријателите!