ne-eksperimentirajte-so-intimnoto-zdravje_image
Споделете со пријателите!

Застапено е мислењето дека мешавина од билки може да го контролира вагиналниот исцедок и да ве ослободи од миоми, бактериска вагиноза или ендометриоза. Сепак, вагиналната детоксикација со билни тампони според експертите е лоша идеја
„Корисните бактерии ја одржуваат pH вредноста на вагината и превенираат штетните бактерии да се таложат на вагиналниот ѕид“
Д-р Џенифер Гантер – Jennifer Gunter, гинеколог и акушер од медицинскиот центар во Сан Франсиско „Kaiser Permanente“, и директор на истоимениот центар за карлични болки и вулвовагинални нарушувања, неодамна објави на својот блог: „Твојата матка не е изморена или во депресија, ниту пак валкана и твојата вагина нема проблеми со нејзината чакра. Ниту еден од твоите органи не сакаат помош со детоксификација, затоа што еволуирале сами за себе да се грижат заедно со остатокот од твоето тело“.

Д-р Џен за „Yahoo Health“ додава, дека таа слушнала за овие производи коишто можат да се набават на интернет, кога добила линк од пост од некој блогер кој се занимава со теми од животен стил. „Јас бев преплашена и чувствував дека морам да направам нешто во врска со тоа“, предупредува таа.

Лекарката објаснува дека, не само што овие производи не се корисни, туку тие можат да бидат многу штетни. 

ne-eksperimentirajte-so-intimnoto-zdravje_image1„Вагиналниот екосистем е доста нежен. Функционира на многу специфичен начин и „добрите“ бактерии во вагината се многу осетливи на производи и антибиотици“ – објаснува д-р Џен. Кога екосистемот е нарушен, тогаш жените добиваат инфекции, како габични инфекции или бактериска вагиноза. „Добрите“ бактерии ја одржуваат pH вредноста на вагината и превенираат штетните бактерии да се таложат на вагиналниот ѕид. „Тоа топче со билки е гнездо за бактерии и дозволува растење на ’лошите’ бактерии.“ – вели д-р Џен Гантер. „Многу билни производи и екстракти предизвикуваат иритации и секако ниту една од состојките не била тестирана за вагинална употреба. Никој не знае што содржат бисерите за затегнување на вагината“ – додава таа.

Потенцијални проблеми поврзани со билните тампони

Оштетувањата кои можат да настанат во вагината од ваквите препарати, можат да се споредат со оштетувањата што можат да бидат предизвикани од класичните тампони за апсорпција на менструалната крв. Најголемата опасност е синдромот на токсичен шок, затоа што производителите препорачуваат истите да се остават во вагината повеќе од 72 часа. „Научните студии велат дека кога на жените им недостасуваат ’добри’ бактерии, не само што се посклони кон инфекции, како што се габичните инфекции или бактериска вагиноза, тие се и посклони кон гонореа или ХИВ, доколку се изложени на овие болести“ – истакнува д-р Гантер.

[interaction id=”5718d25239702c9c4f0c9047″]

Препораки наведени на Fox News, кога станува збор за интимата: да не се нанесуваат или вметнуваат сапуни и средства за капење и туширање, масло од чајно дрво, чоколаден сируп, шлаг пена, вазелин, остри и нечисти предмети, тампони натопени во алкохол и слично.


Споделете со пријателите!