kako-maksimalno-da-gi-pocustvuvate-pridobivkite-od-dremkata
Споделете со пријателите!

Брзото живеење и многуте обврски понекогаш не лишуваат од здрав и квалитетен сон. Спасот од тоа можеме да го пронајдеме во дремката
Потребата од сон е индивидуална. Но, ако не спиеме како што треба можеби се соочуваме со одредено нарушување во спиењето и тоа може да биде причина за останати проблеми со здравјето. Дремката е најдобриот лек за справување со недостатокот на сон. Ако ја користиме дремката за да го надоместиме сонот од кој сме биле лишени поради одредени фактори во секојдневниот живот, тогаш не е лошо да дознаеме нешто повеќе за неа. Дремката е корисна не само за надоместување на изгубениот сон, туку и за зголемување на креативноста и меморијата во текот на остатокот од денот. Сепак, не секоја дремка е иста. Постојат некои работи на кои треба да се обрне внимание кога станува збор за преспивањето во текот на денот.

Совети за максимално искористување на придобивките од дремката

Кога станува збор за правилно искористување на придобивките од дремката, убаво е да се знаат следните работи:

  • Обидете се да преспивате во истиот период во текот на денот за да го научите телото на одреден распоред. Најидеално би било да се преспива околу 7-8 часови после првичното будење;
  • Јадете пред да се решите да преспивате затоа што на тој начин ја намалувате веројатноста дека ќе се разбудите од дремката поради чувство на глад. Но, не се препорачува да се јаде мрсна или храна која содржи многу шеќер бидејќи ќе ви биде потешко да заспиете. Храна богата со калциум или протеини ќе ви помогне побргу да заспиете;
  • Кратките и слатки дремки се најдобри. 20-тина минути се доволни за да ги обновите батериите и да продолжите со секојдневните активности. Кратките дремки не ви дозволуваат да навлезете во третата фаза од сонот (длабок сон) од која е многу потешко да се разбудите. Ако го скратите времето на преспивање, ќе го избегнете чувството на умор после дремката;
  • Преспивајте додека е уште светло. Ако надвор е веќе темно, вашето тело мисли дека всушност оди да спие. Кога преспивате на овој начин потешко ќе ви биде да се разбудите. Дремката во утринските или раните попладневни часови е многу подобар избор од дремката во вечерните часови кога надвор е веќе темно;
  • Не пијте алкохол и не земајте апчиња за спиење пред преспивањето. Целта на дремката е да се разбудите освежени, а алкохолот или апчињата за спиење ќе ве направат зашеметени и поуморни отколку претходно.
Прочитајте:  ИНТЕРВЈУ со д-р Аспазија Софијанова: Летни стомачни тегоби кај децата

Сиеста

Како доказ за потребата и важноста на дремката сведочат и сиестите. Тие се всушност кратки дремки после ручекот во раните попладневни часови и се традиција во некои топли земји како, на пример, Шпанија. Според традицијата, луѓето одат кратко да одморат после ручекот кога времето ќе стане неподносливо топло, па потоа да се вратат на работа.

Ова само ја дополнително ја објаснува потребата од преспивање во текот на денот за надоместување на изгубениот сон во текот на ноќта и за обновување на силите за да може да се продолжи со останатите обврски во текот на денот.


Споделете со пријателите!