bolka-koja-pritiska-blag-umeren-intenzitet-od-dvete-strani-na-glavata_image
Споделете со пријателите!

Скоро половина од сите возрасни луѓе во светот доживуваат главоболка во било кој дел од годината
Главоболките се една од најчестите медицински поплаки; скоро секој човек ги доживува во одреден момент од животот. Тие можат да влијаат на секој, без оглед на возраста, расата и полот.

Светската здравствена организација (СЗО) објави дека скоро половина од сите возрасни луѓе во светот ќе доживеат главоболка во било кој дел од годината.

Главоболката може да биде знак на физички или емоционален стрес или може да биде резултат на медицински нарушувања, како што се мигрена, висок крвен притисок, анксиозност или депресија.

Според интернационалното здружение за главоболка, главоболката може да е примарна – кога не е позната причината и секундарна – кога се должи на некоја причина. Во примарни главоболки се класифицираат мигрена, кластер и тензиона главоболка.

„Тензиона главоболка обично се развива на возраст од 25-30 години, а е најчеста на возраст од 30-39 години.“

Се смета дека тензионата главоболка е еден од најчестите типови на главоболка. Иако причината за нејзината појава е непозната, постојат фактори кои се чини дека придонесуваат за појава на овој тип главоболка. Тоа се стрес, нарушен сон, или нередовна исхрана. Различни состојби можат да придонесат за појава на тензиона главоболка, како што се проблеми со видот, вирусна или бактериска инфекција на очите, неправилно држење на телото и напнати мускули заради неправилниот став на телото.

Тензионите главоболки често се опишуваат како болка која притиска или затегнува со благ до умерен интензитет од двете страни на главата. Луѓето кои ја имаат оваа главоболка често доаѓаат со вкочанување и болки во вратот и рамената. Овој тип на главоболка има тенденција да се развива бавно и постепено го зголемува интензитетот.

Секако дека овој тип на главоболки предизвикува непријатност, но тоа обично не е толку сериозно оневозможување за извршување на секојдневните активности како што е при мигрена. Болката не се влошува со нормална физичка активност како што се пешачење или качување по скали. Може да се влоши со физички или ментален стрес.

Обично се развива на возраст од 25-30 години. Најчесто се јавува кај луѓето на возраст од 30-39 години. Жените имаат поголема веројатност да доживеат ваков тип на главоболки за разлика од мажите, повеќе од половина од жените во развиените земји доживуваат тензиони главоболки во споредба со машката популација кај кои застапеноста е една третина.

Прочитајте:  Како да се преживее испитната сесија

Меѓународното здружение за главоболка (IHS) има направено класификација на тензичните главоболки

  • Епизодни (се јавуваат повремено);
  • Хронични (постојани и повторувачки).

Исто така, постојат подкатегории:

Нередовна епизодична главоболка во вид на тензија

Најмалку 10 епизоди годишно кои се случуваат помалку од 1 ден месечно во просек без мачнина. Главоболките може да траат од 30 минути до 7 дена и може да бидат придружени со чувствителност на светлина или звук.

Честа епизодична главоболка во вид на тензија

Најмалку 10 епизоди кои се случуваат помеѓу 1 и 14 дена месечно во просек, помеѓу 12 и 180 дена годишно без мачнина. Главоболките може да траат од 30 минути до 7 дена и може да бидат придружени со чувствителност на светлина или звук.

Хронични тензични главоболки

Главоболка која се случува најмалку 15 дена во текот на еден месец а се случува во тек на повеќе од 3 месеци во текот на годината. Тие може да бидат придружени со чувство на гадење или чувствителност на светлина и звук. Главоболките може да траат неколку часа или може да бидат континуирани.

Доколку постои податок од пациентот дека главоболката е провоцирана од одредена храна (процесирани храни, чоколада, црвено вино) или движење на главата и вратот, физички напор, тогаш треба да се помисли на мигренозна главоболка. Ова не е типично за тензионата главоболка.

Некои поединци имаат и мигрена и тензична главоболка; Покрај тоа, при појава на тензичната главоболка може да дојде до појава на мигренозната главоболка и може да се третира со антимигренозни лекови.

И двата типови на главоболка си имаат свои признаци кои ги одликуваат и се дијагностицираат со физички преглед и анамнеза на пациентот.

За третман на тензичната главоболка се употребуваат аналгетици, вежби за управување со стресот и релаксација (вклучувајќи и физикална терапија). Бидејќи главоболката може да биде симптом на сериозна состојба, доколку не се смирува при употреба на пропишаната терапија и е придружена со други симптоми како што се конфузија, треска, сензорни промени и вкочанетост во вратот важно е да побарате лекарска помош.


Споделете со пријателите!