svetski-den-na-licata-multipleks-skleroza_image
Споделете со пријателите!

Мултиплекс склерозата е непредвидлива болест што може различно да се манифестира кај секое лице.

Што е мултиплекс склероза?

Мултиплекс склерозата е една од најчестите невролошки нарушувања и причините за хендикеп кај младите возрасни лица. Околу 2,3 милиони луѓе ширум светот страдаат од оваа болест, додека многу е веројатно дека стотици илјади лица остануваат недијагностицирани. Повеќето луѓе со мултиплекс склероза се дијагностицираат на возраст помеѓу 25 и 31 година, а околу два пати повеќе од дијагностицираните лица се жени.

Причината за појавата на мултиплекс склероза сè уште не е позната и досега не постои лек, но постојат третмани кои можат да помогнат на некои форми на мултиплекс склероза и многу начини коишто може да помогнат во подобрувањето на симптомите.

Мултиплекс склерозата е непредвидлива болест што може различно да се манифестира кај секое лице. Симптомите може да вклучуваат заматен вид, слаби екстремитети, треперење, нестабилност, проблеми со меморијата и замор. Кај некои лица, мултиплекс склерозата се карактеризира со периоди на релапс и ремисија што значи дека се подобрува за некое време, но од време на време може повторно да се појави, додека за други има прогресивен модел што значи дека со текот на времето состојбата постојано се влошува. Некои лица со мултиплекс склероза може да се чувствуваат и да изгледаат здрави многу години по дијагнозата, додека други може многу брзо да ослабнат.

Што претставува Светскиот ден на луѓето со мултиплекс склероза 2018?

Овој ден ја прославува глобалната солидарност и надеж за иднината. Светскиот ден на мултиплекс склероза, од 2009 година до денеска, официјално се прославува на 30. мај секоја година. Низа настани и кампањи посветени на ширењето на свесноста за оваа болест се одржуваат со цел да се соединат сите лица ширум светот за да ги споделат своите животни приказни и да ја подигнат свеста за мултиплекс склерозата.

Прочитајте:  Како хороскопските знаци се справуваат со настинките

Која е идејата за овогодишниот Светски ден на луѓето со мултиплекс склероза?

„Темата на овогодишниот Светски ден на луѓето со мултиплекс склероза е истражување и оваа година глобалната кампања ќе се одржи под слоганот „Bringing Us Closer“ (#BringingUsCloser).

Кампањата „Bringing Us Closer“ ги прославува сите начини на кои истражувањата за болеста нè доближуваат сите нас до можностите за подобро справување со истата. Ова ги вклучува не само научните истражувања, туку и општествените истражувања. Така, на пример, како што денеска се прославува развојот на третмани за луѓето со мултиплекс склероза, се прославуваат и многу достагнувања како што различните истражувања за болеста. Досега се спроведени експертски истражувања за потребите на луѓето што боледуваат од мултиплекс склероза кои помагаат да се постигнат позитивни промени, за создавање национални бази на податоци за болеста и многу други коишто помагаат да се подобри квалитетот на животот на луѓето што страдаат од мултиплекс склероза.

Овој ден има за цел да обезбеди остварување на контакт помеѓу луѓето коишто боледуваат од мултиплекс склероза со оние коишто се на било кој начин поврзани со болеста, вклучувајќи ги докторите, научниците, студентите, волонтерите и многу други ширум светот.

Овој ден ја пружа можноста полесно да се развие контактот со цел сите овие лица да се здружат за да го одбележат она што досега го постигнале на патот на истражувањата за болеста мултиплекс склероза и да ги споделат своите надежи за иднината.


Споделете со пријателите!