Се почеста е шеќерната болест кај новороденчињата!
Шеќерната болест или дијабетот претставува една од се почестите болести на современото општество. Во светски рамки, се смета дека над 200 милиони луѓе се заболени од дијабетес, а според Меѓународната дијабетолошка федерација, се предвидува дека овој број ќе достигне 350 милиони до 2025 година! И кај нас е многу често заболување од кое страдаат повеќе од 150.000 лица!
Дијабетесот е хронично заболување кое се карактеризира со зголемени вредности на шеќер (гликоза) во крвта.
Нивото на гликоза во крвта е контролирано од инсулинот, хормон кој го создаваат клетките на панкреасот. Задача на инсулинот е да помага во движењето на гликозата од крвта во клетките, место каде се разложува, а притоа се добива енергија.
Луѓето кои страдаат од дијабетес, независно од кој тип, имаат покачени вредности на гликоза затоа што нивниот организам не може да ја пренесе гликозата во клетките, па таа се акумулира во крвта. Причини за тоа може да бидат:
- Недоволна продукција на инсулин од страна на панкреасот;
- Нарушена реакција на клетките кон инсулин;
- Двете истовремено.
Кај дијабетес тип 1 ( или т.н инсулинозависен дијабетес) станува збор за автоимуно заболување со можна генетска предиспозиција. Се јавува во која било возраст, но најчесто кај дечињата, тинејџери или млади луѓе. Се почесто се јавува кај малите деца, а се позачестена појава е кај новороденчиња!
Kaj новороденчињата можат да се појават најразлични состојби, но дијагностицирањето на oвие мали пациенти честопати претставува сериозен предизвик. На пример, да се идентификува дијабетес тип 1, треба да се пристапи до интерстицијалната течност што се наоѓа во кожата на бебето, постапка која може да биде особено непријатна за едно малечко. Покрај тоа, дијагностичките технологии генерално се достапни само во болниците, па поради тоа состојбите можат да бидат неоткриени рано во развојот на детето.
Токму поради тие причини, научниците од Калифорнија направија цуцла со претходно вграден биосензор кој може да ги измери, во реално време, концентрациите на гликозата во плунката на едно новороденче. Технологијата има потенцијал за скоро автоматско дијагностицирање на дијабетес тип 1 и други состојби за кои гликозата претставува биомаркер.
Цуцлата е поврзана со тенко каналче, за да може плунката да стигне до детекторот. Во детекторот постои ензим на гликоза-оксидаза (GOx), кој реагира со гликозата во плунката. Штом глукозата стигне до детекторот, таа стапува во реакција со овој ензим, а таа реакција директно се пренесува на паметен телефон или друг уред со којшто е поврзана цуцлата.
Количеството на глукоза е правопропорционална со ензимската реакција гликоза-гликоза оксидаза.
Иако е развиен само за новороденчиња, уредот се тестира и кај возрасни пациенти со дијабетес тип 1. Многу возрасни го одбиле тестот поради начинот на тестирање, но кај оние кои веќе го испробале, се потврдила точната дијагностика.
