vestacki-pankreas-uspesen-kaj-dijabetes-melitus-tip-1_image
Споделете со пријателите!

Тим научници од Универзитетот Харвард во соработка со Факултетот за медицина од Универзитетот во Вирџинија се надеваат дека ќе го револуционизираат лекувањето на дијабетес со помош на смартфон

„За разлика од трансплантацијата на панкреас, овој вештачки панкреас претставува нова технологија и се носи надворешно“

Во САД 1,25 милиони Американци патат од дијабетес тип 1, здравствена состојба која го менува животот. Секоја година има сè повеќе дијагностицирани и единствениот најпознат третман се регуларните инсулински инјекции. Панкреасот е одговорен за производство на широк спектар од хормони, вклучувајќи го инсулинот. Овој хормон помага да се контролира нивото на гликоза во крвта. Лицата кои не можат природно да го контролираат нивото на шеќер во крвта, или поради недоволно производство на инсулин (тип 1) или поради производство на неефикасен инсулин (тип 2), имаат тенденција од развој на хипергликемија.

Неодамна, тим од научници од Калифорнија разви панкреатични бета клетки што произведуваат инсулин со третирање на развојот на човечките клетки на кожата. Овие клетки биле трансплантирани во глувци и се покажало дека ефективно ја превенираат појавата на болеста. Најголемите досега долгорочни клинички испитувања за функционалноста на вештачкиот панкреас, се очекува да започнат оваа година во САД.

Истражувачите развиле вештачки панкреас што автоматски ги детектира промените во нивото на шеќер во крвта и автоматски ослободува инсулин. Тоа е систем дизајниран за регулирање на нивото на шеќер во крвта кај лицата со дијабетес мелитус тип 1.

Доколку овој таканаречен систем за вештачки панкреас ќе им помогне на пациентите, како што сметаат научниците, може да се случи да дојде до комерцијални истражувања и евентуално регулаторно одобрување не само во САД.

Во времетраење од шест месеци, 240 пациенти со дијабетес тип 1, ќе добијат уред, додека медицински персонал ќе надгледува како нивото на шеќер во крвта ќе реагира. За разлика од трансплантацијата на панкреас, овој вештачки панкреас претставува нова технологија и се носи надворешно. Уредот претставува автоматски систем за испорака на инсулин и функционира како регулатор на гликозата во телото.

Прочитајте:  Иднината на медицината за лекување на мозочните нарушувања

Крај на здодевното и болно боцкање?

Инсулинска пумпа и монитор за нивото на шеќер во крвта, најпрво се имплантираат под кожата. Имплантот е безжично поврзан со смартфон. Напреден софтвер внимателно го мониторира шеќерот во крвта и кога се покачи, инсулинот што се содржи во имплантот е ослободен во телото на пациентот, без болка. Уредот, исто така го мери времетраењето на спиење, нивото на стрес, метаболизамот, нивото на нутритивни состојки, како и генералната физичка активност. Ова овозможува прецизно одредување на времето кога треба да се ослободи дозата. Ова претставува почеток на крајот на здодевното боцкање на прстите за проверка на нивото на шеќер во крвта, а потоа боцкање во стомакот со инсулински инјекции.

„Идејата е обезбедување на подобрен квалитет на животот кај индивидуите со оваа болест – ова не е решение за дијабетес, но средство за вистинско подобрување на квалитетот на нивното здраво живеење“ – истакна Френк Дојл – Frank Doyle, професор по инженерство, применети науки и еден од главните истражувачи на проектот.

Досега, пациентите со шеќерна болест беа принудени самостојно да го мониторираат нивото на шеќер во својата крв. Доколку ја пропуштат дозата себеси се ставаат на ризик од развој на опасна по живот – хипергликемија, како и други загрижувачки состојби. Овој нов уред го прави сето ова наместо нив.

Во прилог, погледнете го видеото за овој проект:


Споделете со пријателите!