Техниката за автологна хондроцитна имплантација одобрена од ФДА. Идеално решение за пациенти кои се во своите 20-ти и 30-ти години и се соочуваат со ран артритис или имаат последици од спортски повреди на коленото.
Автологна хондроцитна имплантација (ACI) е новиот третман кој нуди надеж за пациенти со артритис и повреди на коленото и може да им помогне да се избегне артропластика (која значи тотална замена на зглобот). Со овој третман се имплантираат нови рскавични клетки кои ја стимулираат регенерацијата на хијалинската рскавица во областа која е оштетена.
Овој третман е идеално решение за пациенти кои се во своите 20-ти и 30-ти години и се соочуваат со ран артритис или имаат последици од спортски повреди на коленото.
Постапката вклучува два оперативни зафати, во при првиот се одстранува рскавица од коленото, а хондроцитите се одгледуваат во лабараторија две недели, после кое се враќаат повторно во коленото со втор оперативен зафат.
Операцијата од втората фаза е отворена постапка со која се прави мала крпеница над дефектната зглобна ‘рскавица. Хондроцитите кои се одгледувале се инјектираат под оваа крпеница каде што формираат хијалинска рскавица која наликува на природната рскавица на зглобот. После имплантацијата во период од 8 недели се ограничува носење на тежина. Во текот на овој период, се пропишува физикална терапија со акцент на опсегот на движење на коленото и активности за зајакнување. Враќање кон лесни спортски активности обично е дозволено после 6 месеци, а комплетно било какви спортски активности помеѓу 9 и 12 месеци после постапката. Целокупната стапка на успех на оваа метода е приближно 85-90%.
Иако автологната хондроцитна имплантација (ACI) беше воведена во 1980-тите, таа од тогаш е подобрена благодарение на модерните техники за култивирање на хондроцити и нови процедури за имплантација. Новите верзии на техниката постојано се развиваат за лекување на различни состојби поврзани со артритис и повреди на коленото.
Клиничките испитувања на Автологна хондроцитна имплантација (ACI) се изведуваат на неколку локации во период од неколку години. Во декември 2016 година, новата верзија на техниката беше одобрена од страна на Управата за храна и лекови (ФДА) за дефекти на `рскавицата лоцирани на крајот на бедрената коска (femur). Малку по различен третман кој ја користи истата техника сега е одобрен во Обединетото Кралство за клиничко тестирање, а ќе се спроведува под надзор на истражувачите од Универзитетот Keele.
