Дознајте кои производи треба да ги консумирате а кои да ги избегнувате доколку имате артритис
Живеењето со хронична болест бара посебен третман, но тоа не значи водење многу поразличен начин на живот, туку поздрав начин на живот. Живеење со артритис подразбира постојана контрола врз себеси, дисциплина и издржливост. Исхраната е моќен сојузник во борбата со артритисот. Антивоспалителните својства што ги имаат некои видови на храна, многу помагаат за подобрување на состојбата на артритисот.
Продукти кои што се препорачуваат:
Ѓумбир
Тој е познат по своето антивоспалително дејство. Најдобро е да се консумира природниот корен отколку правот што може да се најде во ќесички, бидејќи коренот од ѓумбир е свеж и вкусен. Со него правете чај, лимонада и користете го како додаток во јадењето, најчесто во супи.
Ленено семе
Тоа е природен извор на Омега-3 масни киселини и е одличен при третманот на артритис, остеопороза и многу други хронични заболувања. Лененото семе е корисно за целиот организам, а исто така може да се консумира како масло. Совет: Маслото од лен најкорисно е да се зема по една лажица наутро со малку исцеден лимон. Доволна количина е една лажица измелен лен секој ден.
Брокула
Истражувања покажале дека одредена компонента која што може да се најде во брокулата, може да ги блокира ензимите поврзани со уништување на зглобовите и која што исто така го спречува воспалителниот процес. Исто така, таа е богата со витамин К и витамин Ц.
Риба
Се препорачува консумирање риба заради големото присуство на Омега-3. Практикувајте да имате риба на Вашата трпеза два пати во неделата. Доколку не сте љубител на риба, нејзина замена побарајте во производите од соја.
Зелен чај
Тој е богат извор на полифеноли, антиоксиданси кои што го намалуваат воспалението. Уште еден антиоксиданс кој го има во зелениот чај што го блокира производството на молекули кои предизвикуваат уништување на зглобовите кај луѓето со ревматоиден артритис.
Производи кои што не се препорачуваат:
Во производи кои што не се препорачуваат спаѓаат оние кои што никој не е пожелно да ги консумира како на пример, газирани пијалоци, алкохол, цигари и чоколадо. Треба да се избегнуваат млечни производи, но не сосем да се исфрлат од употреба. Сепак оваа одлука зависи од поеднинецот. Можете да се одлучите и за користење на млечни производи со мала масленост, бидејќи и во нив има калциум и витамин Д, кои што се добри за коските и кои го зајакнуваат имунитетот. Но сепак, доколу одлучите да не консумирате млечни производи, задолжително најдете други извори на калциум и витамин Д, како што е зелениот лисест зеленчук.
Исто така, погрешно е мислењето дека е строго забрането да се вежба. Можеби не можат да се изведуваат вежби со висок интензитет, но секако дека некои видови на вежби можат да ја подобрат состојбата и да ја зголемат издржливоста. Околу артритисот и вежбањето, следете го следниов линк.
