kako-jogata-moze-da-vi-pomogne-so-artritisot
Споделете со пријателите!

Болката предизвикана од артритис може да биде непријатна. Но, убаво е да се знае дека јогата може да ви ја олесни состојбата
Болката во зглобовите може да ве спречи нормално да функционирате. Ако се соочувате со овој проблем, тогаш сигурно сте пробале да си ја олесните болката земајќи аналгетици или некои други лекови. Без правилна нега и внимание, артритисот може да предизвика непријатност и да создаде проблеми со подвижноста. Пешачењето и истегнувањето можат да ви помогнат, но според едно ново истражување јогата исто така може да ви помогне во врска со болката предизвикана од артритисот, а истовремено ви го подобрува и расположението.

kako-jogata-moze-da-vi-pomogne-so-artritisot_1Во истражувањето учествувале 75 возрасни луѓе кои страдале од ревматоиден артритис или остеоартритис на колената (и двата се чести видови на артритис). Научниците кои биле дел од ова истражување им препишале  т.н. осум неделна јога терапија на учесниците кои се соочувале со горенаведените видови на артритис. Па така, учесниците во текот на осумте недели практикувале јога два пати неделно по 60 минути. Исто така, еднаш неделно практикувале јога и во домашна атмосфера. После осум неделниот јога тренинг, истражувачите забележале значителни подобрувања на здравствената состојба на пациентите, нивната виталност и физичкото и менталното здравје. Како резултат на претходни истражувања се дошло до заклучок дека јогата може да го намали воспалението на зглобовите, што се смета за еден од причинителите на некои видови артритис. Според новото истражување јогата може да биде особено пријатна за луѓето кои страдаат од артритис затоа што претставува комбинација на физичка вежба споена со техники за релаксација и справување со стресот.

Прочитајте:  Фотографирајте за повеќе да уживате во моментот

Исто така, јогата не бара некоја значајна физичка подготвеност за да се започне со тренингот. Доколку имате проблем со справување со одредена позиција во јогата, добро обучениот јога инструктор би требало да ви покаже како да ја приспособите таа позиција според вашите можности. На пример, ако страдате од артритис  се препорачува да го информирате инструкторот за да може да ги изведувате вежбите и да го искористите максимумот од нив за да ја спречите болката предизвикана од ова заболување.


Споделете со пријателите!