Светскиот ден на остеопорозата се одбележува секоја година на 20 Октомври, како традиционално продолжување на долгогодишната кампања за подигање на глобалната свест за превенција, дијагноза и третман на остеопорозата како и на метаболистичката болест на коските – Metabolic bone disease.
Организиран од страна на Интернационалната фондација за остеопороза – IOF, Светскиот ден на остеопорозата вклучува разновидни кампањи од страна на националните организации и здруженија на граѓани за остеопороза од целиот свет, со активности во повеќе од 90 држави.
Темата на овогодинешната кампања гласи:
„Да се поттикне цврстината на коските“ – Serve Up Bone Strength.
Остеопорозата е болест којашто ја намалува густината и квалитетот на коскеното ткиво, со што коските стануваат покршливи, ослабува скелетот, а со самото тоа се зголемува ризикот од фрактури (скршеници) најчесто во ‘рбетниот столб, колковите и половината.
Остеопорозата се смета за глобален проблем со кој се соочува една од три жени и еден од пет мажи.
Зголемувањето на популацијата само го зголемува овој проблем. Остеопорозата исто така се смета како „тивка епидемија“, бидејќи ретко покажува видливи симптоми. За жал најчести знаци се фрактурите и луѓето дури отпосле во консултација со лекар сфаќаат дека се всушност нападнати од оваа болест – значи предоцна. Овој интернационален празник има за цел да им укаже на луѓето дека „подобро е да спречиш, отколку да лечиш“ и дека повеќе треба да се фокусираат на превенција.
Интернационалниот ден на остеопорозата има за цел да ги обезбеди сите потребни информации и да ги едуцира луѓето. Со зголемувањето на бројот на учесници, настани и активности секоја година, влијанието на Меѓународниот ден на остеопорозата значително се зголемува, а со тоа и свеста за оваа болест.
[interaction id=”5617ddf574a791dd4b694da6″]Оваа кампања за прв пат започна на 20 Октомври во 1996 година од страна на Националната граѓанска организација за остеопороза од Велика Британија – United Kingdom’s National Osteoporosis Society поддржана од страна на Европската Комисија. Од 1997 година одбележувањето на овој ден е организирано од страна на Интернационалната фондација за остеопороза. Во 1998 и 1999 година, Светската здравствена организација имаше улога на ко-спонзор на овој ден.
Лушпи од јајца наместо пломби
