Може ли да го научам своето дете здрави навики за подобар сон?
Бебињата имаат различни циклуси на спиење, за разлика од возрасните. Бебињата поминуваат многу помалку време во длабок сон и нивните циклуси им се пократки. Вие со сигурност безброј многу пати сте го гледале вашето бебе како спие. Многу бебиња при спиењето знаат да направат многу гримаси и движења. За време на длабок сон чести се и нагли движења на раката или ногата, намрштена гримаса или полна насмевка. Не можеме да не се запрашаме што сонува детето во тој миг. Но исто така, не копкаат прашањата колку сон е доволно за него? Дали има нешто што можете да го направите за да го натерате вашето бебе да спие подолго наутро? Како и кога треба да го научите своето дете на здрави навики за подобар сон?
Родителите честопати се загрижени кога нивните деца не спијат доволно. Но, колку е воопшто доволно за нив?
Постои генерален водич за тоа колку вашето бебе треба да спие во текот на денот. Секако дека секое дете е различно, на некои им е потребно малку, додека на други малку повеќе. Во првата година, поточно во првите месеци, вашето бебе спие многу во текот на денот, така што се чини дека спие цел ден, но како што расте, продолжува ноќниот сон, а дневниот се намалува,
- Новороденче до еден месец: Во првите недели, вашето дете веројатно ќе спие околу 15-16 часа на ден. Околу 8 часа во текот на ноќта, со повремени паузи за хранење, промена на пелената, и околу 7 часа во текот на денот;
- Бебе до три месеци: На вашето бебе сеуште му е потребен 15 часовен сон, при што ноќното спиење е 9 часа, додека дневниот сон малку се скратува;
- Бебе до шест месеци: На шестмесечно бебе му е потребно околу 14-15 часа сон дневно. Сепак, ноќното спиење е 11 часа, а дневното изнесува 3-4 часа;
- Бебе до 9 месеци: На деветмесечно дете му се потребни околу 14 часа спиење на ден. Тие спијат по 11 чаа навечер, многу поретко во текот на денот;
- Бебе до 12 месеци: Овие бебиња спијат околу 2-3 часа на ден, обично во попладневните часови, и околу 10-11 часа ноќе;
Вообичаени одговори на бебиња кои имаат ноќни будења или имаат проблеми со спиењето може да го вклучат следново
- Будење и плачење еднаш или повеќе пати во текот на ноќта;
- Бебето плаче кога ќе излезете од собата;
- Одбива да спие без родител во близина;
- Припивање до родителот при разделба;
Бебињата не можат да создадат свои модели на спиење и будење. Најчестата грешка кај родителите е заспивањето на бебето во нивните раце. Ова може да стане негова навика. Вашето бебе може да почне да очекува да биде во вашите раце за да може да заспие. Може ли да го научам моето дете на здрави навики за спиење? Како?
Од 6 годишна возраст, бебето ќе треба полека да се навикне на дневниот ритуал на спиење. Таа стратегија треба да вклучува:
- Ноќен ритуал: Вашето бебе треба да оди во кревет во исто време секоја вечер. Вежбајте исти ритуали, дури и во моментите кога не сте дома. Децата сакаат кога нивните навики не се менуваат, односно кога можат да предвидат кога и што ќе се случи;
- Дневен распоред: Обидете се да направите план за денот кога вашетто бебе спие, јаде, си игра. Кога се придржувате до некои дневни правила, детето со текот на времето успешно ќе научи што прави, односно кога му е време за спиење, и нема да плаче и да биде иритирано;
- Научете го вашето дете само да спие: Обидете се постепено да го научите вашето дете да спие само. Не само што ова ќе биде корисно за вас, покорисно е за вашето малечко. Во овој случај, дури и ако се разбуди во текот на ноќта, тоа нема да плаче и да ве бара, туку напротив, ќе може брзо да се смири и да се врати на сонот;
Лека ноќ малечки!
