Луѓето кои сакаат да останат здрави може да ја практикуваат неопходната доза од физичка активност во мали чекори од само неколку минути неколкукратно
Луѓето кои сакаат да останат здрави може да ја практикуваат неопходната доза од физичка активност во мали чекори од само неколку минути неколкукратно, според новите упатства што ги објави Американската влада. Со оваа мерка владата има за цел да ја подтикне нацијата со седентарен тип на живот да почне да се движи.
Насоките од комитетот назначен од страна на Одделот за здравство и социјални служби го отстрануваат официјалниот став на владата дека физичката активност треба да се прави во сесии од најмалку 10 минути. Претходниот став беше содржан во првите упатства на владата за физичка активност, издадени во 2008 година.
Документот објавен во ноември 2018 од Американското здружение на научници кои се занимаваат со заболувања и физиологија на срце е првото ажурирање од тогаш. Ова беше објавено во весникот на Американското медицинско здружение.
„Тековните докази покажуваат дека вкупниот волумен на умерена до интензивна физичка активност е поврзан со многу здравствени придобивки, а напредокот на пропишаното времетраење не е од суштинско значење“, пишува Комитетот на здравствени експерти.
„Седете помалку, движете се повеќе. Што и да правите, тоа навистина се смета“, вели Брет П. Гироар, помошник-секретар за здравство при ХХС, во едно интервју.
Томас Алисон, директор на клиниката за спорт и спортска кардиологија Мајо во Рочестер, Минесота, рече дека кратки сесии на вежбање се достојни за да се разбијат долгите периоди на седење.
Но, истражувањата покажуваат дека повеќекратните кратки сесии треба да вклучуваат слични енергетски расходи за да имаат исто влијание како и една подолга сесија, или ќе биде потребно дополнително време поминато во движење, рече тој. Алисон ја поддржа целокупната намера на новите препораки, кои поттикнуваат движење од секаков вид, во земја каде што околу 80 проценти од населението не го практикува минималниот износ на препорачана физичка активност. Тој посочи дека канцелариските работници и другите луѓе со седентарни професии стануваат и се движат околу две минути на секои половина час.
За возрасните да останат здрави, новите упатства препорачуваат 150 до 300 минути вежбање со умерен интензитет или 75 до 150 минути интензивна физичка активност секоја недела, пропратено со вежби за зајакнување на мускулите најмалку два дена во неделата. Овие препораки се непроменети од пред една деценија.
Насоките наведуваат брзо пешачење на 3,9 до 6,4 километри на час или играње одбојка како и некоја друга умерена физичка активност. Интензивно вежбање вклучува џогирање или трчање, носење тешки намирници или практикување на интензивни фитнес часови, соопшти панелот.
Некои вежби, како што се пливање и возење велосипед, може да се сврстат во која било категорија, во зависност од вложениот напор.
Децата и тинејџерите на возраст од 6 до 17 години треба да практикуваат 60 минути интензивна активност секој ден, плус три дена во неделата активност која ги зајакнува мускулите, според препораките.
Возрасни треба да прават вежби за подобрување на рамнотежата, како и вежбање за зајакнување на мускулите, и кардио вежби соопшти панелот.
За прв пат, упатствата вклучуваат препорака за деца од предучилишна возраст, истакнувајќи дека деца на возраст од 3 до 5 години „треба да бидат физички активни во текот на денот за да го подобрат растот и развојот“. Документот, исто така, содржи специфични совети за бремени и постпартални жени и лица со посебни потреби.
Панелот забележа дека во деценијата откако беа издадени првите упатства, истражувањата ги проширија препознатните придобивки од движењето.
Тие вклучуваат намалување на ризикот од рак, анксиозност и депресија; подобрување на когнитивната функција и спиење; зацврстување на коските и регулирање на телесната тежина кај децата во предучилишна возраст; заштита од зголемување на телесната тежина, гестациски дијабетес и постпартална депресија кај бремени жени и нови мајки; и намалување на ризикот од паѓање кај постарите лица. Дури и еден тренинг може да има некакво позитивно влијание во некои области, истакна Комитетот.
Истражувачите, исто така, научија повеќе во последниве години за тоа како може седентарен начин на живот да има оштети. Во извештајот се забележува дека „околу 117 милијарди долари годишни трошоци за здравствена заштита и околу 10 проценти од предвремената смртност се поврзани со несоодветна физичка активност“.
„Да бидеме физички активни, е една од најважните мерки што може да се ангажираме да ја спроведеме за да го подобриме своето здравје независно од возраста“.
