Луѓето со остеопороза се трипати посклони на загуба на забите и заболување на непцата.
Отеопорозата е често заболување, коe во голема мера влијае на коските. Луѓето со остеопороза се трипати посклони на загуба на забите и заболување на непцата. Значи, ако наскоро сте изгубиле заб без јасни причини, тогаш дефинитивно ќе го посетите својот стоматолог.
Причината за падот на забите кај луѓето со остеопороза настанува заради губењето на коскената густина која се јавува при остеопороза, која исто така, влијае на алвеоларната коска. Алвеоларната коска има задача да ги држи забите на нивните места. При намалување на нејзината густина, логично е да им се олесни на забите да ја изгубат стабилноста. Губитокот на коскената маса влијае на забите и преку губење на лигаментарната врска меѓу забите и гингивата, што доведува до појава на периодонтални заболувања пропратени со инфекции на гингивата со ист краен резултат – губење на забите. Остеопорозата ја зголемува кршливоста на забите. Фрактурата на забите,е тешка за решавање особено доколку е пропратена со луксација и инфекција, што води до екстракција на забот.
Рана дијагноза на остеопорозата може да направи вашиот стоматолог.
Неодамнешно откритие кое ги поврзува остеопорозата и забите е направено од стоматолози во универзитетот во Манчестер. Тие направиле повеќе истражувања и создадоа метод за рано откривање на предиспозиција за остеопороза преку рентгенски снимки на забите. По прегледување на 5000 досиеја на пациенти меѓу 15 и 94 години, стоматолозите откриле дека клучот за рано откривање на остеопороза се крие во позицијата на забните редови. Со помош на ова откритие, тимот од Манчестер развива софтверски модел, кој во рамките на секунди може да се утврди од дигитална рендгенска слика дали човек е склон на остеопороза. Друг важен показател за програмата е регистрација на истенчување на пресекот на периостот под 3мм.
Доколку немате други симптоми кои асоцираат на остеопороза а често го посетувате вашиот стоматолог може да е во прашање остеопороза за која треба да бидете упатени на понатамошна евалуација и третман кај соодветен специјалист. Стоматологот дури и да не располага со специјализиран софтвер, може да утврди дали е започнато истенчување на фацијалната коски од РТГ снимките на вилицата, правени во процес на лекување на вашите заби. Ова е индикација за веројатноста за развој на остеопороза и можноста за рана дијагноза. Истите можат да бидат пропратни симптоми и на други заболувања.
Начин на исхрана
Најважно е да бидете сигурни дека земате доволно калциум и витамин Д. Тие можат да спречат губење на забите, како и спречување на остеопороза.
Избегнувајте режими на исхрана кои целосно го ограничуваат внесувањето на храната која содржи јаглени хидрати. Имајте на ум дека ограничувањето на јагленохидратите и зголемената протеинска исхрана во диетите за губење на тежината доведува до супресија на клетките кои формираат коски. Исто така е важно да се одржува избалансирана и здрава исхрана и да се избегнува пушење и прекумерно внесување на алкохол. Пушењето ја намалува коскената густина за речиси 25%.
Совети за зачувување на забите кога веќе знаете дека имате остеопороза
Ако имате остеопороза, постојат мерки со кои може да ги одржувате забите и покрај болеста:
Обидете се да земате околу 700 mg калциум дневно преку храна и/или пијалаци. Ова е еднакво на околу половина литар млеко. Може да земете калциум и витамин Д во форма на диететски додатоци препорачани од лекар. За да се избегнат фрактури и за лекување на остеопороза, на вашето тело му требаат 1,2 грама калциум и 800 микрограми витамин Д секој ден. За избор на соодветни додатоци во исхраната, консултирајте се со лекар за да избегнете продукти со недоволна содржина на соодветните минерали и витамини.
Мијте ги забите најмалку 3 пати на ден. Комбинацијата на паста која содржи флуор и редовното миење може да го спречи и забави расипувањето на забите. При миење на забите правете кружни движења, четкајте ги забите подолготрајно со слаб притисок и користете мека четка. Избегнувајте храна со остри рабови која е цврста. Минимизирајте ја можноста за фрактура на вилицата или забите. Правете редовни прегледи кај вашиот стоматолог.
