Супер храната е супер за слабеење, но одржувањето на витката линија е склоп од здрави навики
Храната означена како „супер храна“ е онаа храна која што изобилува со хранливи состојки, големи количини на витамини и минерали што нè чуваат од болести и го продолжуваат животот. Повеќето од нив, содржат антиоксиданси – добри за превенција од рак, здрави масти – коишто спречуваат срцеви заболувања, хранливи влакна – за превенција на дијабетес и дигестивни проблеми, итн.
Помеѓу бројните здравствени придобивки, „супер храната“ е одлична за слабеење. Тоа не значи дека треба да јадете само производи означени како „супер“ и да прескокнувате оброци. Постојат бројни истражувања кои докажуваат дека оние кои што јадат еднаш до двапати дневно, на крајот од денот сепак внесуваат повеќе калории отколку оние кои јадат повеќе оброци дневно. Исто така, и изгладнувањето не е решение. Секоја диета е однапред осудена на неуспех бидејќи е краткорочна промена. Воедно, диетите го забавуваат метаболизмот, бидејќи се губат мускули и масно ткиво, но кога килограмите се враќаат, тоа значи повеќе масно ткиво, кое пак согорува помалку калории.
Чиа семе
Чиа семето на 28 грама содржи дури 11 грама на хранливи влакна а содржи и голем дел од препорачаните дози за магнезиум и калциум. Влакната имаат значителен ефект за здравјето. Содржи дури 20% протеини, како и сите осум есенцијални аминокиселини. Протеините се важни за слабеење, бидејќи ги намалуваат апетитот и желбата за храна.
Ленено семе
Од лененото семе може да се прави чај за слабеење и тоа е познат сојузник за слабеење. Комбинацијата на здрави масти и големата количина на влакна го прави одлична храна за губење и одржување на телесната тежина. Неколку истражувања нагласуваат дека е покорисно да се консумира ленено семе наместо ленено масло, бидејќи маслото користи само дел од семето. Тоа содржи многу лигнани коишто му даваат антиоксидантни квалитети. Според една канадска студија, жените кои имаат зголемен внес на лигнани, имаат понизок индекс на телесна тежина (BMI) и помалку масно ткиво. Додајте една до две лажици свежо сомелено ленено семе во вашата храна за да додадете квалитет на храната.
Овес
Половина чаша овес, содржи 4,6 грама несварлив скроб кој го подобрува метаболизмот. Несварливиот скроб делува како растворливи влакна коишто помагаат во намалувањето на холестеролот и стабилизирање на нивото на шеќер. Поради содржината на многуте хранливи материи, овесот треба да биде редовен на нашата трпеза, не само доколку сакаме да слабееме. Го намалува гладот и ве држи сити до ручекот. Според „Индексот на ситост“ (систем на рангирање во однос на тоа колку долго ве држи сит одредена храна), создаден од австралиските истражувачи, овесот е храна број 1 при избор за појадок и на трето место на рангирање на сите видови на храна.
Бадеми
Бадемите се одличен извор на моно- и полинезаситени масти, што може да помогне во намалување на холестеролот и ви ја одржи витата става. Тие исто така содржат калории (само 163 калории за 23) а многу растителни влакна и витамин Е.
Интегрален ориз
Половина шолја од овој ориз со полно зрно којшто е полн со хранливи влакна, има 1,7 грама несварлив скроб, кој го забрзува метаболизмот и ги топи мастите. Заради хранливите влакна кои што даваат чувство на ситост, тој ја одржува телесната тежина.
Оризови галети
Не е само интегралниот ориз добар за слабеење. Оризовите галети се идеален избор за оние кои што сакаат да изгубат некој килограм. Не содржат масти, а содржат хранливи материи кои даваат чувство на ситост. Тие не треба да бидат замена за ручек, но со нив успешно ќе го совладате гладот помеѓу оброците, бидејќи протеините што ги содржат, го балансираат енергетското ниво во организмот.
Не е важна само супер храната, важно е и нејзиното комбинирање, а најважни се здравите навики.
Важен е целосниот животен стил кој се формира од здравите навики. Треба задолжително да се појадува, да не се прескокнуваат оброци, да се јаде без одвлекување на вниманието гледајќи во телефонот или телевизорот.
Јадете помали залаци
Според едно ново истражување сега во тренд е да се бројат залаците за време на оброкот. Истражувачите кои го спровеле ова истражување велат дека ако ги броиме залаците додека јадеме тоа ќе допринесе за побрзо остварување на нашата цел – губење на тежина. Всушност, истражувањето го потврдило тоа што ние веќе го знаевме – јадењето на помала количина на храна навистина може да направи разлика кога во предвид ја земаме нашата тежина. Само 20% намалување на бројот на залаци што ги јадеме може да направи разлика кога станува збор за тежината.
Намалете го темпото
Според едно друго истражување спроведено на Texas Christian University (TCU) луѓето кои јадат побавно, можат подолго време да се чувствуваат најадени и да внесат помалку калории отколку кога јадат брзо. Не брзајте, не јадете на биро на работа, спијте доволно, бидејќи недоволниот сон се одразува врз сè, вклучувајќи ја и телесната тежина. Малку часови сон го зголемуваат стресот, а кога телото е под стрес, тоа лачи адреналин и кортизол, кој пак влијае врз зголемување на апетитот.
Избегнете го алкохолот
Коктелите имаат многу шеќер, а најкалорични се жестоките пијалаци како вотка, џин и рум. Одлучете се за чаша светло пиво или вино. Секако, во мали количини.
