За да го избегнете овој синдром за време на празниците – бидете умерени на празничната трпеза
Во периодот пред Нова година па сè до крајот на месец јануари, медицинскиот центар на итна помош има полни раце работа. Освен грипот, друга причина за посета на болниците се прејадувањето и зголеменото консумирање на алкохол. Тоа е така, бидејќи празниците вклучуваат многу алкохол, шеќер, солени јадења, прејадување. Освен тоа, овој период е исполнет со стрес, тргнувајќи од семејни несогласувања па сè до финансиски грижи – сите овие фактори имаат ефекти врз кардиоваскуларниот систем. Празничната еуфорија може да го наруши и сонот, што му прави дополнителен стрес на организмот. Оние со срцеви болести но и оние коишто никогаш немале вакви проблеми, може да се соочат со последиците од неумереноста во однесувањето.
„Синдромот на празнично срце“, за прв пат е дефиниран во 1978 година, за да го опише нерегуларниот срцев ритам кој следи по празничната сезона исполнета со периоди на зголемено консумирање на алкохол.
Кај овој синдром најчесто срцево нарушување е срцева аритмија односно атријална фибрилација, којашто ги прави луѓето да се чувствуваат акутно болни. Најчести симптоми коишто можат да се појават се: треперење на срцето, неправилен пулс, недостаток на воздух, особено во тек на физичка активност или емотивен стрес. Потоа слабост, замор, вртоглавица, краткотраен губиток на свест, болка во градите.
Како да го превенирате овој синдром
Не се прејадувајте и редовно појадувајте, ограничете го внесот на алкохол и кофеин, вежбајте и најважно од сè, опуштете се.
Досега објавените синдроми
