7-pricini-za-patuvanje_image
Споделете со пријателите!

Неколку начини на кои патувањата влијаат врз здравјето, научно потврдени
Патувањето не само што е душевна храна, туку тоа позитивно влијае врз здравјето. За ова можеби не се потребни особени докази и истражувања, но тие секако постојат, и тоа во голем број. Сите тие се задржуваат на здравствените придобивки од патувањето, а останатото го знае секој оној што сака да патува – возбудата од откривање нови места и запознавање нови луѓе и култури. Патувањата имаат моќ да ве трансформираат како личност, ве учат како да го цените моментот и да уживате во секое ново искуство. Не попусто е кажано дека светот е книга, а оној кој не патува чита само една страница. Во продолжение, прочитајте седум начини кои што позитивно влијаат врз здравјето и се научно потврдени.

1. Патувањето ја поттикнува креативноста

„Живеењето одреден период во друга земја ја зголемува способноста на мозокот брзо да се прилагодува од една на друга идеја, што е главна одлика на креативноста“

Според истражувањето на проф. Адам Галински, оние кои што живеле одреден период во друга земја, се покреативни. Тој истакнува дека да се биде турист не е доволно, што со други зборови би значело дека за да се биде покреативен е потребно повеќе од летен одмор. Новите звуци, мирисите, нов непознат јазик, вкус, нови сензации и слики, ги осветлуваат, односно ангажираат различни синапси во мозокот. „Искуствата во странство ја зголемуваат когнитивната флексибилност и длабочина, како и способноста за подлабоко поврзување на различни форми“, вели проф. Галински. Когнитивна флексибилност е способноста на мозокот брзо да „скокне“ помеѓу неколку различни идеи, што е главна одлика на креативноста.

2. Ја зголемува самодовербата и независноста

Патувањето влијае врз комуникацијата и начинот на кој остваруваме интеракција со луѓето. Според една студија, патувачите повеќе сакаат да се во друштво отколку сами. Исто така, патувањето ве прави поотворени за интересни искуства, бидејќи запознавањето нови луѓе и откривање нови места, ја поттикнува љубопитноста и потрагата по нови искуства.

Прочитајте:  Синдром „Кувад“  

3. Буквално ја подобрува работата на мозокот

Необичните ситуации кои што бараат снаодливост и брзи одлуки, позитивно делуваат врз мозокот, според едно ново истражување. Новите искуства го подобруваат когнитивното здравје, бидејќи кога се наоѓаме на непознато место и сме во непознати ситуации, мозокот формира нови врски кои што ќе сака да ги категоризира.

4. Ве прави похрабри

Сигурно ова повеќето го имаат доживеано, односно кога патуваат во друго место, можат да прават работи за кои вообичаено им е страв. Бестрашниот став кон животот останува засекогаш доколку патувањето ви стане начин на живот.
7-pricini-za-patuvanje_image1

5. Поделотворни на работното место

Постои истражување кое што докажало дека оние кои што одат на годишен одмор, имаат за 6,5% поголеми шанси да бидат унапредени на работното место, во споредба со оние кои што остануваат зад биро. Исто така, работниците кои што патуваат се попродуктивни и покреативни на работното место, а воедно и повеќе си ја сакаат работата.

6. За поздраво срце

Едно истражување откри дека жените кои што одат на одмор два пати годишно, имаат значително намалени шанси за срцев удар или коронарна болест. Слично на ова, мажите кои што не одат на годишен одмор имаат околу 30 проценти повисок ризик да настрадаат од срцева болест. Одморите исто така го намалуваат и крвниот притисок.

7. Го намалува стресот

Придобивките од патувањето се чувствуваат веднаш. После само ден или два на одмор, 89 % од испитаниците на една студија изјавиле дека чувствуваат значително намалување на стресот.


Споделете со пријателите!