denes-e-svetski-den-za-borba-protiv-hepatitis_image
Споделете со пријателите!

Оваа година мотото на Светскиот ден против хепатитис е „Познај го хепатитисот, делувај веднаш“
Вирусната инфекција со хепатит е нашироко распространета и од неа се заразени околу 400 милиони луѓе на светско ниво, бројка која што е за 10 пати поголема од бројот на заразени од ХИВ. Оваа застрашувачки висока стапка на присутност на оваа инфекција одзема над 1,4 милиони човечки животи секоја година.

Што може да се направи?

Добрата вест е дека хепатитот може да се спречи и може да се излечи. Имено, над 90% од заразените со хепатит Ц можат да бидат целосно излечени од вирусот во рок од 3–6 месеци. Затоа, најважна е свесноста за неа, како и информираноста. Токму затоа, овогодинешното мото на Светскиот ден  посветен за оваа инфекција гласи: „Познај го хепатитисот, делувај веднаш“.

Целта е да се отстрани хепатитот како закана за јавното здравје до 2030 година, што претставува остварлива цел, која првенствено зависи од ангажирањето на луѓето и државите погодени од оваа болест. Идејата е тие да бидат подобро екипирани и им биде овозможено да го„познаваат хепатитот“ и да „дејствуваат веднаш“. Светската здравствена организација (СЗО) ги повикува креаторите на политики, локалните власти, граѓанското општество, јавноста и медиумите да работат на подигнување на свеста и да ги поттикнуваат граѓаните да се информираат дали се под ризик, да се тестираат и да побараат лекување.

Главни ризици за добивање хепатит:

  • Небезбедни инјекции и медицински постапки;
  • Пренесување на инфекцијата од мајка на дете;
  • Незаштитен секс;
  • Интравенозна употреба на дрога. 

Секој може да биде под ризик од хепатитис, а со подобра информираност и познавање на ризиците, се спречува заразувањето и ширењето на инфекцијата. За ова да се постигне потребно е луѓето да се тестираат и да дознаат дали има потреба да се лекуваат.

Прочитајте:  Состојба со грип во Република Македонија, сезона 2015/2016
до 51ва недела

Во Македонија се користи постара терапија за хепатитис , додека светот ги користи новите медикаменти и терапии.

Во прилог, како дел од овогодинешната кампања, погледнете го ВИДЕОТО:


Споделете со пријателите!