Прегледи на кожата
Самопрегледувањето и одењето на лекар секој пат кога ќе забележите нови бемки или пак, промена во бојата, формата или големината на тие што веќе ги имате – е најдобар начин за дијагноза и успешно лекување на рак на кожа, бидејќи истиот ќе биде откриен во раните фази. Повеќето од бемките не се опасни, но понекогаш се случува истите да се развијат во малигна форма на рак на кожа наречен меланом. Д-р Нортон во истата статија вели дека стапката на зачестеност на рак на кожа се зголемила за два и пол пати во последните 30 години, поради несоодветната заштита на кожата за време на летниот период и сончањето без заштита. „Повеќе од 100 илјади луѓе добиваат рак на кожа секоја година. Проверката на кожата секој месец помага побрзо да се согледаат новите бемки или да се забележат промените во веќе постоечките … потоа може да направите тестирање и да започнете со лекување уште во раните стадиуми“ – изјавува Д-р Сели Нортон. Смртните случаи од меланом тројно се зголемиле во последните 30 години и тоа кај лицата над 65 годишна возраст. Тоа е така бидејќи ракот на кожа се појавува поради прекумерна изложеност на сонце во текот на животот, па затоа постарите лица се најзагрозени.
