Скрининг за рак на дојка
Овој вид на преглед е најдобар начин за детектирање на рак на дојка и тоа уште во најраните фази пред да се појават видливи знаци (топчиња) кои може да се напипаат. Скринингот се состои од рендгенско зрачење на дојките, кое се нарекува мамографија. Статистиките покажуваат дека ракот на дојка е еден од најчестите видови на рак кај жените. Ракот на дојка најчесто се појавува кај постарите жени, но постојат и случаи кога рак на дојка добиваат и младите жени во нивните дваесетти години. Истражувањата покажуваат дека околу една третина од случаите со канцер се дијагностицирани благодарение на мамограмот. Доколку резултатите се сомнителни, вашиот лекар ќе ве упати на понатамошни испитувања. Според Amеrican cancer society жените над 40 годишна возраст пожелно е да прават мамографија секоја година. Жените пак од 20 години, па се до крајот од 30-тите треба да прават клиничко испитување на дојките – clinical breast exam – CBE на секои 3 години.
