Наместо да се трудите и да пресметувате калории, бројте ги залаците за да ослабите повеќе
Сè до сега, сите тие кои имаa за цел да ослабат имаа навика да ги бројат калориите во продуктите. Но, тоа е веќе застарен метод, затоа што според едно ново истражување, сега во тренд е да се бројат залаците за време на оброкот. Истражувачите кои го спровеле ова истражување велат дека ако ги броиме залаците додека јадеме тоа ќе допринесе за побрзо остварување на нашата цел – губење на тежина.
Всушност, истражувањето го потврдило тоа што ние веќе го знаевме – јадењето на помала количина на храна навистина може да направи разлика кога во предвид ја земаме нашата тежина. Но, тоа не значи дека тие што сакаат да ослабат треба да се прегладнуваат, туку да јадат помалку отколку што јадат во моментот. Еве како се дошло до овој заклучок.
Во истражувањето кое траело четири недели учествувале 61 учесници. Од нив било побарано да бројат колку залаци храна јадат и колку голтки течност пијат во текот на денот (водата не се земала во предвид). Тие се согласиле да ја намалат количината на залаци што ги јадат во текот на денот за 20-30%. Истражувачите велат дека ваквото броење на залаци би било лесен и евтин начин да изгубите на тежина. Кон крајот на истражувањето, 41 од сите учесници кои успеале да го завршат експериментот изгубиле приближно 2 килограми.
Тие кои не успеале да го завршат експериментот имале проблем со навиката на броење на залаци во текот на денот. Поради тоа, тимот кој го спровел истражувањето има за цел за понатамошни истражувања да користи уред прикачен на телото кој пак ќе користи алгоритам за броење на залаците во текот на денот.
Како надополнување, според едно друго истражување спроведено на „Texas Christian University (TCU)“луѓето кои јадат побавно, можат подолго време да се чувствуваат најадени и да внесат помалку калории отколку кога јадат брзо.
Само 20% намалување на бројот на залаци што ги јадеме може да направи разлика кога станува збор за тежината.
Главната причина зошто се дебелееме повеќе отколку нашите претходни генерации е тоа што внесуваме повеќе калории, а се движиме помалку отколку генерациите пред нас. Но според истражувачите, не треба значително да го намалиме количеството на калории кои ги внесуваме во организмот.
