horoskopskite-znaci-vo-teretana
Споделете со пријателите!

Ако веќе сте одделиле време за себе, потрудете се тоа време правилно да го искористите
Редовно посетувате сала за вежбање, но не ги добивате посакуваните резултати. Причините може да бидат бројни, започнувајќи од вашата исхрана, неправилно вежбање, па се до спортските обувки што ги носите. Ако веќе сте одделиле време за во теретана, потрудете се тоа време правилно да го искористите. Дознајте неколку причини што може да подобрите во својот тренинг, за да добиете најдобри резултати.

Не вежбате толку напорно

Можеби вистината е дека не вежбате толку напорно колку што мислите (и кажувате). Еден час поминат во теретана не е еднаков на 60 минути вежбање. Само обрнете внимание додека сте во салата за вежбање. Колку од оние што вежбаат проверуваат пораки на своите телефони, колкумина се фотографираат или разговараат со другите а колкумина концентрирано вежбаат? Друга грешка на којашто може лесно да се „лизнете“ е дека не го мерите своето време, особено времето помеѓу сетовите. На крај, заради долгите паузи, не ги завршувате сите сетови а времето ви истекло.

Немате план

Разбирливо дека не сте расположени за вежбање секој ден, но доколку сакате видлива промена, не треба да вежбате само кога сте расположени. Цврсто тело и резултати се добиваат со напорна работа. Поаѓајќи од оваа позиција на лично доживување, вие престанувате со вежбање кога ќе ве болат мускулите. Ова е грешка, бидејќи кога започнуваат да болат, тоа значи се поттикнати и дека сте на добар пат.

За да не се водите од расположение, задолжително направете план на вежбање заедно со план за јадење.

Поставете си реална цел и целете кон неа, по малку, но упорно секој ден. Да, репетитивноста не е интересна и забавна, но дава реални резултати со коишто ќе бидете задоволни кога ќе го покажете своето тело на некоја плажа летово.

Прочитајте:  5 Начини да го направите вежбањето секојдневна навика

Зошто вашите патики за трчање не се соодветни

Удобните патики за трчање ги носите при секоја физичка активност? Знајте дека тие не се сенаменски, а особено не треба да се носат ако подигате тегови. Ако менувате обувки во зависност од настанот, истото треба да го правите и при вежбање. Патиките за трчање се специјално направени за таа активност, иако се носат скоро во секоја прилика. Патиките за трчање се удобни, но нивната намена е да овозможат комфор и флексибилност.

„Мекиот ѓон на патиките за трчање нема да ви ја даде стабилната основа на петиците потребна за подигање на тежина“

Мекиот ѓон на овие патики нема да ви ја даде стабилната основа на петиците потребна за подигање на тежина. Патиките наменети за тежински тренинг ја даваат токму таа стабилност и поддршка на стапалото. Тие овозможуваат да се напрегнете повеќе и посилно да ја подигнете големата тежина. Многу е тешко да овозможите сила преку ѓонот на патиката за трчање. Од друга страна, обувките наменети за бодибилдинг, ќе ви го направат вежбањето полесно, особено при изведување на клекнувања (scouts) и подигања од место (deadlifts).


Споделете со пријателите!