Различните пигменти и соединенија во одредени храни и лекови може да ја променат бојата на урината.
Нормалната боја на урината се движи од бледо жолта до боја на темен килибар – која е резултат на пигмент наречен урохром и на тоа колку е разредена или концентрирана урината.
Различните пигменти и соединенија во одредени храни и лекови може да ја променат бојата на урината. Цвекло, бобинки, грав се само неколку примери меѓу храната која најверојатно влијае на бојата на урината. Многу лекови кои се користат во текот на лечење на различните здравствени состојби и даваат различни тонови на урината, како што се црвена, жолта, зеленикава или сина боја.
Невообичаена боја на урина може да биде знак на болест. На пример, силно црвена до кафена урина е препознатлива карактеристика на порфирија, ретко, наследено нарушување на црвените крвни клетки.
Нормалната боја на урина исто така варира, во зависност од тоа колку вода пиете. Течностите ги разредуваат жолтите пигменти во урината, па колку повеќе течности пиете, толку појасно изгледа вашата урина. Кога пиете помалку, бојата станува поконцентрирана. Тешка дехидрација исто така може да предизвика урина со боја на килибар.
Зошто ми е портокалова урината?
Најчестите причини и компликации поради кои урината може да биде портокалова се:
Исхрана: Портокалово и црвено овошје и зеленчук, како што се цвекло и морков, може да ја сменат бојата на урината и да изгледа портокалова.
Дехидратација: Една од најчестите причини за портокалова урина е дехидрација. Ако не пиете доволно вода, урината станува поконцентрирана и како таква, може да изгледа дека е темно жолта или портокалова боја.
Лаксативи: Некои лаксативи содржат сенна, билка која најчесто се користи за да се олесни запекот, кој исто така може да ја обои урината со длабоко жолта или портокалова боја.
Инфекција на мочниот меур: инфекција на мочниот меур, или циститис, може да биде одговорна за промена на бојата на урината.
Дисфункција на црниот дроб: Конзистентно темно жолта или портокалова урина која не е засегната од промените во исхраната, земање на додатоци во ихрана или хидратацијата, може да биде знак за проблеми со црниот дроб или жолчката и треба да се консултирате со вашиот лекар.
Хемотерапија: Некои лекови за хемотерапија може да ја оштетат функцијата на бубрезите и мочниот меур, што резултира со обезбоена урина. Важно е да го информирате вашиот лекар ако сте подложени на хемотерапија и забележите промена во бојата на урината.
Проблеми со бубрезите: Бубрежно заболување, бубрежна калкулоза и бубрежни инфекции може да предизвикаат урината да се смени до портокалова боја.
Покрај промена во бојата, може да има и други пропратни загрижувачки симптоми. Тие вклучуваат:
- Матна урина;
- Болно/мокрење пропратено со печење(познато како дизурија);
- Крвава или розова боја на урина (позната како хематурија);
- Урина која мириса непријатно;
- Честа потреба за мокрење што резултира со мала количина на урина;
- Итна потреба за мокрење
Некои симптоми кои ја придружуваат портокаловата урина може да укажуваат на проблеми на друго место во телото. Тие вклучуваат модринки, треска, чешање на кожата, гадење, бледа столици и ненамерно губење на тежината. Доколку почувствувате треска, повраќање, тешка болка во стомакот или долниот дел на грбот или уринарна ретенција(неможност да се уринира), заедно со портокаловата урина, може да биде симптом за многу сериозна состојба и веднаш треба да се побара медицинска помош.
Дијагностицирање и лекување на портокалова урина
За прецизно да се дијагностицира причината која ја предизвикала портокаловата урина, вашиот лекар ќе ви постави разни прашања за да ја одредите причината. Ќе бидете прашани дали вашата урина има лут мирис, дали земате некакви лекови и додатоци, како и какви плодови и зеленчук се вообичаени во вашата исхрана. Лекарот исто така, ќе треба да знае дали во периодот кога сте забележале портокалова урина, имате некаква болка или печење додека уринирате, и дали има траги од крв во урината. Вашиот лекар ќе ги процени одговорите на овие прашања и, во зависност од симптомите, може да се направат неколку тестови за да се исклучат или дијагностицираат посериозни состојби како што е оштетување на бубрезите, црниот дроб, сепса, рак или сериозна инфекција.
Третманот на портокалова урина зависи од тоа што ја предизвикува. Ако тоа е вашата исхрана, тогаш не е потребен третман, конзумирањето храна со помалку бета-каротен ќе помогне да се нормализира. Доколку портокалова урина е несакан ефект на инфекција, вашиот лекар ќе препише лекови за лекување. Откако инфекцијата ќе се излечи, урината треба да се врати во нормална боја. Конечно, ако причината е посериозна и укажува на оштетување на органи, сериозна инфекција или рак, докторот ќе ве упати кај специјалист за понатамошен третман и евалуација на причината за портокалова урина.
Портокалова урина наутро и по вежбање
Ако забележите дека вашата урина е портокалова наутро, тоа може да се должи на фактот дека таа стоела во мочниот меур преку ноќ и, како резултат на тоа, е повеќе концентрирана. Бојата на урината варира во текот на денот, во зависност од количината на потрошена течност. Прво нешто кое треба да ни падне на памет кога ќе забележиме темна урина наутро е дека тоа е нормална појава и не мора да биде причина за загриженост. Меѓутоа, ако забележите дека е кафеава, тогаш може да се должи на крв во урината и да е симптом на посериозна состојба.
Слично на тоа, урината може да има потемна боја после вежбање. Тоа е затоа што ригорозните вежби можат да придонесат за дехидрација и губење на течности, што резултира со повеќе концентрирана урина која е темно жолта или портокалова. Сите наведени промени во бојата на урината не мора да значи дека се сериозни но секогаш треба да имаме на ум дека треба да се консултираме со лекар доколку состојбата трае подолг период и особено ако е пропратена со болка или доколку не се должи на промена на животниот стил.
