Се препорачува чување на новороденчињата од директно сонце во првите 6 месеци.
Кај возрасните изгорениците од сонце може да предизвикаат оштетување на кожните ткива што може да доведе до рак на кожата. Но кај новороденчињата и бебињата, изгорениците од сонце може да бидат медицински итен случај, предизвикувајќи дехидратација, висока температура, пликови, инфекции, треска и топлотни удари, како и значително зголемување ризикот за рак на кожата.
Бебињата не само што можат да сериозно да се разболат од прекумерна изложеност на сонцето, туку тие се и повеќе склони кон изгореници бидејќи нивната чувствителна кожа содржи помалку меланин, пигментот којшто ја дава бојата на кожата, косата и очите боја и обезбедува одредена заштита од сонце.
Со други зборови, родителите мора да се погрижат за подобро да го заштитат своето новороденче (0-6 месеци) или бебе (6-12 месеци) од сонцето и неговото ултравиолетово зрачење.
Што треба да обезбедат родителите за да го заштитат своето новороденче и бебе од сонце?
Сенка
Новороденчињата и бебињата треба да се чуваат подалеку од директна сончева светлина. Обезбедувањето сенка за вашето бебе помеѓу 10 и 16 часот, кога ултравиолетовото (УВ) зрачење на сонцето е најинтензивно, треба да биде главен приоритет. Во зависност од местото на коешто се наоѓате, постојат различни можности за обезбедување квалитетна сенка за бебето како дрвја, тенди, летниковци, шатори или чадори за сонце коишто обезбедуваат различни степени на сенки.
Заштитна облека
Облекување на бебињата во облека за заштита од сонце е уште еден приоритет. Лесна дводелна или едноделна облека со долги во светли бои нудат одлична заштита од сончевите зраци. Исто така, родителите треба да обезбедат заштита за најчесто изложените делови од главата и лицето – очите, скалпот и вратот, како очила за сонце со УВ-заштита, шеширчиња или капи.
Безбедност на патот
Ако патувате со автомобил пожелно е да го поставите седиштето на вашето бебе од страната од којашто не продираат сончевите зраци. Дополнително, доколку имате можност, обезбедете УВ-заштита на сите прозорци бидејќи УВ-зрачењето може да пенетрира низ стаклото, а оваа заштита ќе блокира речиси 100 отсто од двојното зрачење (УВА и УВБ) без да ја намали видливоста. Исто така, не заборавајте да го држите бебето хидрирано во текот на целото патување, бидејќи тие се подложни на исцрпеност од топлината поради нивната ограничена способност за регулирање на температурата на телото.
Заштитен крем
Додека претходноспоментатите практики се универзално прифатени и препорачани, еден метод за заштита од сонце за новороденчиња е предмет на измешани мислења – заштитните средства за сончање. Американската администрација за храна и лекови и Фондацијата за рак на кожа препорачуваат употреба на средства за заштита од сонце само кај бебиња постари од 6 месеци. Фондацијата понатаму препорачува чување на новороденчињата од директно сонце во првите 6 месеци. Американската академија за педијатрија, од друга страна, пак, укажува на примена на заштитен крем за сончање на мали површини на изложената кожа кај новороденчињта помлади од 6 месеци, во случај да не се достапни соодветни облеки и сенки.
Зошто е контроверзно користењето на заштитни средства за сончање кај новороденчињата?
Постојат клучни разлики помеѓу кожата на новороденчињата и бебињата и кожата на возрасните. Кожата на новороденчињата и бебињата е потенка и таа се одликува со многу потенок слој на „stratum corneum“ – последниот слој на кожата што се одликува со мртви клетки.
Заради тоа овој слој на кожата помалку ефикасно го штити телото на новороденчињата од надворешноста и хемикалиите од сончањето може да навлезат подлабоко со што новороденчињата се поранливи од контактен дерматитис и кожни реакции, како осип, алергии или воспаление.
