dali-bi-prepoznale-rak-na-kozata_image
Споделете со пријателите!

Колку често ја проверувате својата кожа?
Колку побрзо ракот на кожата се идентификува и третира, толку повеќе се зголемуваат шансите за избегнување на операција и намалување на ризикот од сериозни последици. Ракот на кожата се појавува како резултат на абнормалните клетки кои имаат способност да ги нападнат другите делови од телото, или да се прошират кон нив. Постојат три главни видови: базални клетки на рак на кожа, сквамозен карцином и меланомот. Во 2015 година во Англија била спроведена анкета од британските дерматолози која покажала застражувачки резултати. 81% од испитаниците изјавиле дека не би препознале рак на кожата. Дали и вие спаѓате во истата група?

Како да ја проверете својата кожа

„Знајте дека понекогаш ракот на кожата може да се појави на оние делови кои не се изложени на сонце“

Проверете го целото тело и имајте во предвид дека понекогаш ракот на кожата може да се појави на делови од телото кои не се изложуваат на сонце, како стапалата на нозете, помеѓу прстите на рацете и нозете и под ноктите. При проверката, соблечете се целосно и бидете сигурни дека имате добра светлина. Користете огледало за да можете да ги набљудувате сите делови од своето тело. Исто така, може да побарате помош од некој член на семејството, партнер или пријател.

Што точно треба да барате?

Базални клетки – Базалните клетки на ракот на кожата, се одликуваат со бисерна проѕирност и со мали крвни садови на површината. Понекогаш местото на кожата крвари, чеша, на моменти почнува да заздравува но никогаш во целост, и се развива во чир кој не боли.

Прочитајте:  Авокадо – овошје со магична моќ

Сквамозен карционом – Најчесто се појавува на лицето, вратот, темето на главата, задните делови на рацете и предните делови на нозете, односно делови кои се повеќе изложени на сонце. Се појавува како црвена дамка, која има тврда и сува кора. Осетлива на допир, понекогаш крвари.

Меланом – Најсмртоносниот облик на рак на кожата. Доколку не се лекува може да се прошири кон останатите делови на телото. Се појавува како нов белег или на веќе постоечкиот, со изменета боја, големина или форма. Може да се појави и на делови кои не се изложени на сонце. Исто така, карактеристично за меланомот е тоа што е асиметриен – има две различни половини и неправилен облик, има искривен раб, бојата е комбинација од две или повеќе бои и обично е поголем од 6 милиметри.

Бемката која со текот на времето ја менува големината, најверојатно е меланом.

Доколку при прегледите имате сомнеж за некој знак на вашето тело, задолжително посетете го вашиот дерматолог пред да биде предоцна.


Споделете со пријателите!