Храната не треба да биде само вкусна туку и здрава, затоа обрнете внимание какви зачини користите како додатоци за храна во вашата секојдневна исхрана
Употребата на зачини во готвењето има голема историја. Некогаш се користеле за да намали мирисот на храна која не е свежа или за подобрување на вкусот. Воедно, тие биде многу скапи. Денес зачините се лесно достапни, може да ги дозволи секое домаќинство и се користат за гастрономско доживување и уживање во храната. Го збогатуваат вкусот на солените јадења и се застапени на секоја трпеза, па затоа може да се најдат многу зачини на пазарот. Исто како што внимавате кој производ да го купите, грижејќи се тој да биде здрав и хранлив, истото треба да го практикувате и при одбирање на додатоците во јадењето. Бидејќи постојано ги користиме, секако треба да се обрне внимание и на нивната содржина.
Што треба да се знае за зачините како додатоци во јадењето
Зачините можат да бидат составени од билки, растенија и делови од растенија, како што се магдонос и босилек, семиња, плодови итн. Додатоците во јадењето содржат и сушен зеленчук, кој има посилен мирис од свежиот зеленчук и го оплеменува секое јадење. Воедно, сушениот зеленчук не е претходно третиран, што значи дека ги задржува антиоксидансите капацитети и хранливите својства.
Внимавајте на адитивите
Во готовите супи или смрзнати готови јадења, конзервирани производи, детска храна, некои додатоци како зачин во исхрана, мешан зачин, содржат адитиви. Адитивите се додаваат со цел да го подобрат вкусот, да им дадат боја, мирис, тие се конзерванс, згуснувач итн.
Во некои мешани зачини како додатоци во јадењето се наоѓа и голема количина на сол како и адитиви, односно засилувачи на вкусот, со цел да бидат повкусни и да имаат подолг рок на траење. Всушност, се добива спротивен ефект, бидејќи оние зачини со поголема количина на адитиви, всушност доминираат во вкусот на јадењата, па храната ја губи природната арома.
На пакувањата на прехранбените производи тие се означени со ознаката „Е“, по која следува број. „Е“ е ознака за Европа, додека бројот до буквата Е ја претставува ознака за секој адитив одделно. Дали одредени адитиви се штетни или не зависи и од количината на консумирање.
Адитивите означени како ароматизери, односно засилувачи на храна може да ги содржат овие ознаки (Е600-Е699).
Ова е важно да се знае, бидејќи кога избирате мешани зачини како додатоци во јадењето, задолжително проверете дали ги имаат бројот 621 или пак хемиското име „мононатриев глутаминат“. Доколку често се употребува и во големи количини, тој има несакани ефекти како: мигрена, мачнина, вртогавица, срцебиење, надуеност, жед или пак може да предизвика алергиски реакции.
За среќа, на пазарот постојат мешани зачини како додатоци во јадењето, коишто преставуваат 100 проценти природен производ и се без натриум глутаминат (Е621), односно без вештачкиот збогатувач на вкус и без додаток на вештачки бои. Ваквите зачини ќе му дадат добра арома и вкус на вашите солени јадења. Исто така, здравиот зачин како додаток во јадењето, треба да содржи и поголема количина на сецкан сушен зеленчук. Одлучете се за мешавини коишто содржат морков, пашканат, кромид, праз, магдонос, црвена и/или зелена пиперка, целер.
Сите видови на зеленчук содржат полифеноли или други антиоксиданси, а кромидот содржи најмногу, затоа тој треба да биде задолжително застапен. Магдоносот е исто така богат со полифеноли и со витамин Ц. Овој витамин е застапен и во пиперката. Целерот е исто така многу здрав зеленчук. Тој е диуретик и го намалува крвниот притисок и холестеролот.
Внимавајте кога правите избор на зачини како додатоци во јадењето, бидејќи ги консумирате секојдневно. Изберете балансирана комбинација на сушен зеленчук и зачини и секогаш ќе јадете здраво и вкусно. На крај, имајте на ум дека вкусната храна влијае и на телесната тежина, бидејќи вкусната храна повеќе задоволува отколку онаа што е помалку вкусна и со помалку, без прејадување, ќе бидете сити и вити.
